پاکستان کے سابق کپتان سلمان بٹ نے آئندہ پاکستان جونیئر لیگ کے لیے غیر ملکی کوچز کی خدمات حاصل کرنے پر رمیز راجہ اور پاکستان کرکٹ بورڈ کو تنقید کا نشانہ بنایا ہے۔

تفصیلات کے مطابق پاکستان کے سابق بیٹسمین 37 سالہ نوجوان نے یہ باتیں اپنے آفیشل یوٹیوب چینل پر گفتگو کرتے ہوئے کہیں، انہوں نے کہا کہ کچھ بھی نہیں ہے، ہمارے پاس پاکستان میں وکٹیں لگانے کے لیے مٹی بھی نہیں ہے، اور آپ مینٹرز کی بات کر رہے ہیں۔

انہوں نے مزید کہا کہ آپ کو ڈراپ ان پچز، مختلف ملک سے مٹی، مختلف ممالک سے کوچز اور مینٹرز لانا ہوں گے تو پھرکسی دوسرے ملک سے چیئرمین بھی لے آئیں لیکن اس پر بات کرنے کے لیے کچھ نہیں ہے۔

واضح رہے کہ پاکستان جونئیر لیگ شہر پر مبنی لیگ ہوگی جس میں کھلاڑیوں کا انتخاب ایک ڈرافٹ سسٹم کے ذریعے کیا جائے گا جس میں بین الاقوامی عمر کے گروپ کرکٹرز شامل ہوں گے۔

پی سی بی اس کھیل کے لیجنڈز اور آئیکونز کے ساتھ شاندار ماحول پیدا کرے گا جس میں کھلاڑیوں اور کوچز کے کردار میں کھلاڑی ڈگ آؤٹ میں بیٹھے ہوں گے، اور ٹاپ ڈرا سے براڈکاسٹ کوریج ہوگی۔

ابھی تک جاوید میانداد، شعیب ملک، عمران طاہر، شاہد آفریدی اور ڈیرن سیمی نے بطور مینٹور لیگ کا حصہ بننے پر رضامندی ظاہر کی ہے۔ پی جے ایل کا پہلا ایڈیشن اکتوبر 2022 میں کھیلا جانا ہے۔