بالی وڈ اداکار عامرخان نے فلم لال سنگھ چڈھا کے ہیرو کے کردار کے حوالے سے اہم انکشاف کردیا۔

غیر ملکی خبر رساں ادارے کے مطابق اداکار عامر خان نے بتایا کہ فلم لال سنگھ چڈھا کے ہیرو کے کردار کےلیے اُن کے صاحبزادے جنید خان نے بھی اسکرین ٹیسٹ دیا تھا۔

اداکارعامر خان نے ایک انٹرویو میں انکشاف کیا کہ ان کے بیٹے جنید خان نے بھی ہیرو کے کردار کےلیے آڈیشن دیا تھا۔

انہوں نے ایک انٹرویو میں انکشاف کیا کہ ان کے بیٹے جنید خان نے بھی ہیرو کے کردار کےلیے آڈیشن دیا تھا۔

عامر خان نے کہا کہ آدیتہ چوپڑا اور اتل کلکرنی کو شک تھا کہ کوئی نیا اداکار اس کردار کے ساتھ انصاف نہیں کرسکے گا۔

اداکار نے کہا کہ کچھ اداکار ہنر مند ہوتے ہیں، وہ اپنے فن کو جانتے ہیں اور واقعی بہتر پرفارم کرسکتے ہیں، دوسرے وہ ہوتے ہیں جو کردار بن جاتے ہیں، جنید ان میں سے ایک ہے۔

عامر خان نے بتایا کہ میں نے اپنے بیٹے کی نیچرل اداکاری کے کلپس آدیتہ چوپڑا، اتل کلکرنی اور راج کمار ہیرانی کو دکھائے۔

علاوہ ازیں اپنے خاندان اور قرب و جوار کے 100 کے قریب لوگوں کو وہ ویڈیو بھیجی اُن میں سے 98 فیصد افراد نے جنید خان کی حمایت کی۔

ان کا کہنا تھا کہ لیکن فلم کے مصنف آدیتہ چوپڑا اور اتل کلکرنی کو اس پر اعتراض تھا۔

انہوں کہا کہ میں ہی کردار کے لیے موزوں ہوں، فلم کی کہانی بہت ٹھوس ہے، جسے ایک اسٹار کی ضرورت ہے۔

عامر خان نے مزید کہا کہ دونوں کی رائے تھی کہ ایک نیا اداکار اس کردار کو ویسے ادا نہیں کرسکے گا جو اس کا حق ہے۔

اوراس ہی اسرار کی وجہ سے میں نے اُن کی بات مان لی، دراصل آپ کبھی واقعی ٹھیک ہوتے ہیں لیکن وقت درست نہیں ہوتا۔

جنید خان، عامر خان کی سابقہ اہلیہ رینا دتہ کے بڑے بیٹے ہیں، اس جوڑے کی ایک بیٹی بھی ہے جس کا نام ایرا خان ہے۔

یاد رہے کہ اداکار عامر خان  آج کل فلم کی پروموشن میں مصروف ہیں۔

فلم لال سنگھ چڈھا جو 11 اگست کو ریلیز کی جائے گی، جس میں عامر خان کے ساتھ کرینہ کپور اور ناگا چیتنیا اہم کردار کیا نبھا رہے ہیں۔

واضح رہے کہ لال سنگھ چڈھا ہالی ووڈ کی 1994ء کی فلم ’فاریسٹ گمپ‘ کا آفیشل ہندی ری میک ہے۔