اکثر لوگ جہاز میں سفر کرتے تو ہیں مگر انہیں اندرونی معاملات کے بارے میں علم نہیں ہوتا، لیکن آج ہم آپ کو ایسی معلومات فراہم کریں گے جو جہاز میں سفر کرنے والوں کے لیے فائدے مند ثابت ہوگی۔

اسکائی اسکینر جو کہ پروازوں اور طیاروں پر نظر رکھنے والا ادارہ ہے، ان کی جانب سے انکشاف کیا گیا ہے کہ لینڈنگ سے قبل کھڑکی کا شٹر کھولنے کے لیے اس لیے کہا جاتا ہے کیونکہ ٹیک آف اور لینڈنگ کے دوران اگر کوئی ہنگامی صورتحال پیش آجائے تو وہ باہر دیکھ سکیں کہ جہاز کی پوزیشن کیا ہے، کیا وہ پانی کے اوپر ہے، یا وہ جنگل میں ہے، آگ کی زد میں ہے یا جہاز کے باہر رن وے پر کوئی خطرہ موجود ہے؟

وہ جس ایمرجنسی ایگزٹ کے قریب کوئی رکاوٹ دیکھتے ہیں تو انہی 90 سیکنڈز کے اندر مسافروں کو دوسرا ایگزٹ استعمال کرنے کی ہدایت دیتے ہیں۔

ہنگامی صورتحال میں مسافروں کو فوراً باہر نکلنا چاہیئے، اس وقت کھڑکی کا شیڈ ہٹانے میں ان کا وقت ضائع ہوسکتا ہے جو ان کی جان کے لیے خطرے کا سبب بھی بن سکتا ہے۔

ایوی ایشن کے عالمی اداروں کے قائم کردہ حفاظتی اصولوں میں سے یہ ایک اصول ہے، کہ جہاز میں ہونے والی ہنگامی صورتحال میں طیارے کے کبین کریو آپ کو 90 سیکنڈز کے اندر اندر ہنگامی بنیادوں پر ایمرجنسی خارجی راستے (ایگزٹ) سے نکال دیں گے۔