اداکار بریڈ پٹ اپنی سابقہ اہلیہ کے ساتھ صلح کرنا چاہتے ہیں؟

ویب ڈیسک

04th Aug, 2022. 11:02 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

اداکار بریڈ پٹ اپنی سابقہ اہلیہ کے ساتھ صلح کرنا چاہتے ہیں؟

ہالی وڈ اداکار بریڈ پٹ اپنی سابقہ اہلیہاداکارہ انجلینا جولی کے ساتھ صلح کرنا چاہتے ہیں۔

غیر ملکی خبررساں ادارے کے مطابق اداکار بریڈ پٹ اپنے بچوں کے ساتھ کشیدہ تعلقات کو ٹھیک کرنے کے لیے اپنی سابقہ اہلیہ، اداکارہ انجلینا جولی کے ساتھ صلح کرنا چاہتے ہیں۔

اداکار بریڈ پٹ نے پیرس میں اپنی فلم ’بُلِٹ ٹرین‘ کے پریمیئر پر جانے سے پہلے روم میں، جہاں پر اداکارہ انجلینا جولی اپنی نئی فلم کی شوٹنگ میں مصروف ہیں، اپنے بچوں کے ساتھ کچھ خوشگوار وقت گزارا۔

خیال رہے کہ جج نے انجلینا جولی کو کام کے سلسلے میں بیرون ملک جانے اور بچوں کو اپنے ساتھ لے کر جانے کی اجازت دے دی ہے۔

تاہم اب اداکاربریڈ پٹ کے پاس صرف اتنا اختیار ہے کہ یا تو وہ روم جا کر بچوں سے ملیں یا پھر ان کے وطن واپس آنے کا انتظار کریں۔

اس ہی وجہ سے اداکار بریڈ پٹ نے اٹلی جانے کا فیصلہ کر لیا ہے۔

حال ہی میں بریڈ پٹ کی انجلینا جولی سے جو ملاقات ہوئی وہ کافی خوشگوار تھی۔

واضح رہے کہ دونوں اداکاروں کے درمیان کئی سالوں سے طلاق اور اپنے 6 بچوں کی تحویل کے لیے جاری قانونی جنگ کے دوران صلح ہونا ایک مثبت پیش رفت ہے۔