جو لوگ بے گھر ہوئے انہیں ہر ممکن ریلیف دیں گے، وزیراعلیٰ سندھ

ویب ڈیسک

21st Aug, 2022. 12:34 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

جو لوگ بے گھر ہوئے انہیں ہر ممکن ریلیف دیں گے، وزیراعلیٰ سندھ

وزیراعلیٰ سندھ نے کہا ہے کہ جو لوگ بے گھر ہوئے انہیں ہر ممکن ریلیف دیں گے۔

تفصیلات کے مطابق وزیراعلیٰ سندھ سید مراد علی شاہ نے میڈیا سے گفتگو کرتے ہوئے کہا کہ پورے پاکستان میں صوبہ سندھ میں غیر متوقع بارشیں ہوئی ہیں، اللہ کرے مزید بارشیں نہ ہوں۔

انہوں نے کہا کہ ہمارے پاس چار سوفیصد زیادہ بارشیں ہوئی ہیں، بہت زیادہ صورتحال خراب ہے جبکہ شدید بارشوں کی وجہ سے لوگ بھی پریشان ہیں۔

سید مراد علی شاہ نے یہ بھی کہا کہ حیدرآباد کے نشیبی علاقوں میں تاحال پانی موجود ہے، حیدرآباد کو آفت زدہ قرار دینے جا رہے ہیں نوٹفکیشن جلد جاری کریں گے، بینظیر انکم سپورٹ پروگرام کے تحت متاثرین کو 25 ہزار روپے دیں گے۔

ان کا کہنا تھا کہ انتظامیہ سے کہا ہے جہاں ضرورت ہو وہاں ریلیف کئمپ قائم کریں، جو لوگ بے گھر ہوئے انہیں ہر ممکن ریلیف دیں گے۔

وزیراعلیٰ سندھ سید مراد علی شاہ کا مزید کہنا تھا کہ ایک اچھی بات ہے کہ زیادہ بارشیں ہوئیں لیکن صورتحال بہتر ہے، وفاقی حکومت سے بھی ہماری بات ہوئی ہے، وفاق اور صوبہ ملکر کر لوگوں کے نقصانات کا ازالہ کریں گے۔