ترجمان حکومت پنجاب کی یوم آزادی کے دن ناچ گانے کی محفل پر کروڑوں روپے ضائع کرنے کی مذمت

ویب ڈیسک

16th Aug, 2022. 10:42 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ترجمان حکومت پنجاب کی یوم آزادی کے دن ناچ گانے کی محفل پر کروڑوں روپے ضائع کرنے کی مذمت

ترجمان حکومت پنجاب فیاض چوہان کی جانب سے یوم آزادی کے دن ناچ گانے کی محفل پر کروڑوں روپے ضائع کرنے کی مذمت کی گئی ہے۔

اپنے جاری کردہ بیان میں ترجمان حکومت پنجاب فیاض چوہان نے کہا کہ یوم آزادی کے دن ناچ گانے کی محفل پر کروڑوں روپے کا ضیاع قابل مذمت ہے۔

انہوں نے کہا کہ یوم آزادی والے دن وزیر اعظم ہاؤس، پرائم منسٹر ہاؤس کم بلکہ کسی سٹیج کا میگا تھیٹر زیادہ لگ رہا تھا، شہباز شریف نے عوام کروڑوں روپے لگا کر وزیر اعظم ہاؤس میں ” انار کلی ڈسکو چلی” والا ماحول بنایا ہوا تھا۔

ترجمان حکومت پنجاب کا کہنا تھا کہ ناچ گانے کے اس پروگرام سے حکمرانوں کی صلاحیت اور ذہنیت کا ادراک ہوتا ہے، یہی ایک ارب کے قریب رقم سیلاب زدگان کی فلاح و بہبود پر لگائی جاتی تو وہ ریاست پاکستان کے مشکور ہوتے۔

انہوں نے کہا کہ مولانا فضل الرحمان کا بیٹا 73 کے آئین کے تناظر میں “ڈسکو ڈانس” اور ” لونگی ڈانس” سے لطف اندوز ہو رہا تھا۔

انہوں نے مزید کہا کہ مولانا فضل الرحمان کو فتویٰ دینا چاہیے کہ یہ ڈانس حلال تھا یا حرام تھا۔