شہباز گِل کیس میں پولیس کوریکارڈ پیش کرنے کا آخری موقع

زاہد فاروق ملک

27th Aug, 2022. 02:00 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

شہباز گِل کیس میں پولیس کوریکارڈ پیش کرنے کا آخری موقع

اسلام آناد کی مقامی عدالت نے شہباز گِل بعد از گرفتاری کیس میں پولیس کوپیرتک ریکارڈ پیش کرنے کا آخری موقع دے دیا۔

تفصیلات کے مطابق ڈسٹرکٹ اینڈ سیشن کورٹ میں رہنما پی ٹی آئی شہبازگِل کی ضمانت بعد از گرفتاری کی درخواست پر سماعت پیر تک ملتوی کردی گئی۔

پولیس نے شہباز گِل کیس کا ریکارڈ آج بھی عدالت میں پیش نہ کیا جس پرعدالت نے پولیس کو پیر تک ریکارڈ پیش کرنے کا آخری موقع دیدیا

ایڈیشنل سیشن جج طاہرمحمود سپرا نے کیس کی سماعت کی۔

پولیس حکام کا کہنا تھا کہ تفتیشی افسرسے رابطہ ہوا تھا لیکن ابھی وہ پہنچا نہیں ہے۔ عدالت نے کہا کہ تفتیشی سے رابطہ کریں اور پھرعدالت کو بتائیں۔

پولیس حکام نے کہا کہ تفتیشی کا فون اب بند ہے رابطہ نہیں ہو رہا۔ ہم ابھی عدالتی حکم کے مطابق پھر معلوم کر کے بتا دیتے ہیں۔

پراسیکیوٹر رضوان عباسی نے کہا کہ ابھی ریکارڈ پیش ہو بھی جائے تومیں دلائل نہیں دے سکتا۔ میں نے بھی ریکارڈ دیکھنا ہے میری بھی ابھی تیاری نہیں ہے۔ پیر کیلئے کیس رکھ لیں ہم پیش ہو جائیں گے۔

وکیل شہباز گل نے کہا کہ بہت زیادتی کی بات ہے کہ پولیس مسلسل تاخیر کر رہی ہے۔

جج طاہرمحمود سپرا نے ریمارکس دیے کہ پولیس کو پھرآخری موقع دے دیتے ہیں۔