سائنسی ترقی کی بدولت فاصلے سمٹ گئے اورموبائل کی انقلابی ایجاد نے رابطوں کو سہل بنادیا ہے، لیکن موبائل اب محض رابطے کے لئے ہی نہیں بلکہ یہ ایک ایسی ڈیوائس بن چکا ہے جو روزمرہ کے معمولات زندگی کی  انجام دہی میں آپ کومدد بھی فراہم کرتا ہے۔

یوں تو دنیا بھر میں بہت سی معروف موبائل کمپنیاں ہیں لیکن ان میں چند ہی صارفین کا اعتماد حاصل کرنے میں کامیاب ہوئی ہیں ان ہی میں اوپو بھی شامل ہے۔

اوپو نے ہمیشہ ہی صارفین کے لئے ایسے اسمارٹ فون متعارف کرائیں ہیں جو کم قیمت ہونے کے ساتھ بہترین فیچر سے لیس ہوتے ہیں یہی جہ ہے کہ اس فون صارفین کی جانب سے کافی پذیرائی حاصل ہوئی ہے۔

اسی روایت کو برقرار رکھتے ہوئے اوپو اپنا نیا اسمارٹ فون رینو8 زیڈ جلد لانچ کرنے کا ارادہ رکھتا ہے اس بات کا انکشاف متعدد رپورٹس میں کیا گیا ہے اس کی وجہ یہ بتائی جارہی ہے اس فون نے کئی معیارات کے ٹیسٹ پاس کر کے سرٹیفیکیشن حاصل کر لی ہے جبکہ اس فون کی پروٹوٹائپ کی چند تصاویر بھی لیک ہوئی ہیں اور ٹیپسٹرایون بلاس نے اس کا غیر مصدقہ پوسٹر بھی جاری کیا ہے۔

واضح رہے کہ لیک ہونے والے پوسٹر کے مطابق یہ فون رینو 7 زیڈ سے کافی حد تک مماثلت رکھتا ہے۔ کیو نکہ اس کے بیک پر بھی رینو 7 زیڈ کی طرح تین کیمروں کا سیٹ اپ ایل ای ڈی فلیش دیئے گئے ہیں۔ جس میں دوبڑے سائز کے کیمروں اطراف آر جی بی لائٹ دی گئی ہے اے آئی پورٹریٹ کیمرا بھی موجود ہے۔

This is the Reno 8 Z 5G; look familiar? It should – just like Oppo brought the Reno 7 Lite to global markets as the Reno 8 Lite, so seems to be the case with the Reno 7/8 Z 5G. pic.twitter.com/nUlEpmofcd

— Evan Blass (@evleaks) August 2, 2022

رینو8 زیڈ کے کنارے ہموار ہیں جس کےسائڈ میں سم کارڈ اور والیوم بٹن دیئے گئے ہیں اوپر کی جانب مائیکروفون جیک موجود ہے۔ جبکہ نیچے کی جانب 3.5 ملی میٹر آڈیوجیک، یو ایس بی سی پورٹ ایک مائکرو فون اور اسپیکر ہے۔

رپورٹس میں یہ بھی انکشاف کیا گیا ہے کہ یہ ڈیوائس اسنیپ ڈریگن 695 چپ سیٹ، 8 جی بی ریم اور اینڈرائیڈ 12 سے لیس ہوگی۔

رینو8 زیڈ تین مختلف جی بی ریم یعنی 6 جی بی پلس 128 جی بی اسٹوریج، 8 جی بی ریم پلس 128 جی بی اسٹوریج اور 8 جی بی ریم پلس 256 اسٹوریج کے ساتھ لانچ کئے جانے کا امکان ہے۔ جہاں تک بیٹری کی بات ہے تو اس میں دیرپا 4500 ایم اے ایچ کی بیٹری 33 واٹ کے تیز ترین چارجنگ سپورٹ کے دی جائے گی۔

رینو8 زیڈ پوسٹر میں دکھائے جانے والے رنگوں کے علاوہ بلیک اور بلیو میں پیش کیا جائے گا۔

اوپو کی اس ڈیوائس کے ڈسپلے اور قیمت کے بارے میں ابھی تک کو ئی واضح تفصیلات جاری نہیں ہوئی ہے۔