سائنسی ترقی کی بدولت فاصلے سمٹ گئے اورموبائل کی انقلابی ایجاد نے رابطوں کو سہل بنادیا ہے، لیکن موبائل اب محض رابطے کے لئے ہی نہیں بلکہ یہ ایک ایسی ڈیوائس بن چکا ہے جو روزمرہ کے معمولات زندگی کی  انجام دہی میں آپ کومدد بھی فراہم کرتا ہے۔

ایک وقت تھا کہ اسمارٹ کی دنیا پر سام سنگ اور ایپل کا راج تھا لیکن اب اس مسابقتی دوڑ میں بہت سی چائنا کی کمپنیاں بھی شامل ہو گئی ہیں۔ اوراب وہ اپنے بہترین فیچرسے لیس اسمارٹ فونز کی بدولت دنیا کے 10 مقبول ترین اسمارٹ فونز میں جگہ بنانے میں کامیاب ہوچکی ہیں۔

دیکھتے ہیں اس فہرست میں کون کہاں پر براجمان ہے۔

صارفین کے رجحان کو دیکھتے ہوئے اس ہفتہ 10 بہترین فونز کی فہرست میں پہلے نمبر پرنتھنگ فون ہے جس نے مسلسل تیسرے ہفتے بھی اپنی پہلی پوزیشن برقراررکھی ہے۔

اسی طرح دوسرے نمبر پرگوگل پکسل 6 اے ہے اور تیسرے نمبر پر اسوس زینفون 9 ہے۔

چوتھے نمبر پر سام سنگ گیلیکسی ایس 22 الٹرا فیلگ شپ فون پانچویں نمبر پرشیاؤمی ریڈمی نوٹ 11، چھٹے نمبر پرسام سنگ گیلیکسی اے 53 5 جی، جبکہ آخری چاروں پوزیشنزمیں ایپل کے تین اسمارٹ فونز ہیں۔

 جس میں آئی فون 13 پرو میکس ساتویں نمبر پرحیرت کی بات یہ ہے کہ آئی فون 13 سیریز کے کوئی بھی فونز اس فہرست میں جگہ نہیں بنا پائے۔ آئی فون ایکس آر آٹھویں، سام سنگ گیلیکسی اے 13 نویں اور آئی فون ایکس دسویں نمبر پرہیں۔