سارہ علی خان کس پاکستانی ڈیزائنر کے ساتھ اشتراک کرنے والی ہیں؟

ویب ڈیسک

04th Aug, 2022. 11:52 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سارہ علی خان کس پاکستانی ڈیزائنر کے ساتھ اشتراک کرنے والی ہیں؟

بالی وڈ اداکارہ سارہ علی خان مشہور پاکستانی ڈیزائنر محسن نوید رانجھا کے ساتھ اشتراک کرنے والی ہیں؟

غیر ملکی خبر رساں ادارے کے مطابق اداکارہ سارہ علی خان کی حال ہی میں محسن نوید رانجھا کے ساتھ لندن میں ہونے والی ملاقات کے دوران لی گئی تصاویر میڈیاکی توجہ کا مرکز بن گئی ہیں۔

سوشل میڈیا پروائرل ہونے والی تصاویر میں محسن نوید رانجھا نیلے رنگ کی ٹی شرٹ اور جینز جبکہ سارہ علی خان سفید رنگ کے ٹینک ٹاپ اور گلابی رنگ کی ٹریک پینٹ پہنے نظر آرہی ہیں۔

یاد رہے کہ محسن نوید رانجھا اپنے ملبوسات کے مشرقی ورثے سے جڑے روایتی ڈیزائن، پیچیدہ کاریگری اور بولڈ کلر پیلیٹ کے لیے مشہور ہیں۔

محسن نوید رانجھا اپنے منفرد خیالات اور زبردست مہارت کی وجہ سے اب تک انڈسٹری کے بہت سے بڑے ناموں کے ساتھ شراکت داری کرچکے ہیں، جن میں ماہرہ خان، سونیا حسین، مایا علی، اور عاطف اسلم جیسی مشہور شخصیات کے نام شامل ہیں۔

ان کے کام کو عالمی سطح پر بھی مقبولیت حاصل ہے، کچھ عرصہ قبل معروف برطانوی ٹیلی ویژن میزبان اور فیشن ڈیزائنر ٹین فرانس نے برطانوی فیشن ایوارڈز میں ان کا ڈیزائن کیا ہوا سوٹ پہن کر پاکستان کی نمائندگی کی گئی تھی۔

علاوہ ازیں مارول اسٹوڈیوز کی مشہور سیریز ’مس مارول‘ کے لیے بھی محسن نوید رانجھا کے ڈیزائن کیے ہوئےملبوسات کا انتخاب کیا گیا۔