بلوچستان اور پنجاب میں سیلاب سے متاثرہ علاقوں میں پاک فوج کی امدادی کارروائی جاری ہیں۔

پاک فوج کے شعبہ تعلقات عامہ (آئی ایس پی آر) کی طرف سے جاری کردہ بیان کے مطابق پاک فوج کی ٹیمیں ڈی جی خان، راجن پور، نصیر آباد اور لسبیلہ میں امدادی سرگرمیوں میں مصروف عمل ہیں

پاک فوج کی میڈیکل ٹیمیں متاثرہ افراد کو طبی امداد فراہم کر رہی ہیں اور سیلاب متاثرین  کومحفوظ مقامات پر منتقل کیا جا رہا ہے۔

‘سیلاب زدہ علاقوں میں پاک فضائیہ کی امدادی کارروائیاں’

دوسری جانب جنوبی پنجاب ریجن میں پی اے ایف کی جانب سے سیلاب متاثرین کے لیے امدادی کارروائیاں زور و شور سے جاری ہیں۔

ترجمان پاک فضائیہ کا کہنا ہے کہ جنوبی پنجاب کے سیلاب سے متاثرہ علاقوں میں پاک فضائیہ کی بھر پور امدادی کارروائیاں جاری ہیں۔

18 August, 2022:Relief Operations for the flood affectees by Pakistan Air Force in South Punjab Region are in full swing. Food and medical facilities are being provided round the clock to the affected families by the relief teams of PAF. pic.twitter.com/j1TA05kV0o

— DGPR (AIR FORCE) (@DGPR_PAF) August 18, 2022

ترجمان نے بتایا کہ پاک فضائیہ کی امدادی ٹیموں کی جانب سے چوبیس گھنٹے متاثرہ خاندانوں کو خوراک اور طبی سہولیات فراہم کی جا رہی ہیں۔

ترجمان کا کہنا تھا کہ پاک فضائیہ کی جانب سے انسانی ہمدردی کے جذبے کے تحت 12155 پاؤنڈ کی بنیادی اشیائے خوردونوش ضرورت مند خاندانوں میں تقسیم کی گئیں۔

ترجمان کے مطابق پاک فضائیہ کی پیرا میڈیکل ٹیم نے 939 مریضوں کا طبعی معائنہ بھی کیا۔

پاک فضائیہ کے ترجمان کا کہنا تھا کہ پاک فضائیہ کے اہلکار خراب موسمی حالات کے باوجود سیلاب متاثرین کومدد فراہم کرنے کے لیے کوشاں ہیں۔