شیڈول مقرر ہونے کے باوجود بول نیوزکے اینکرمریدعباس قتل کیس کے دواہم گواہوں کے بیانات قلمبند نہ ہوسکے۔
تفصیلات کے مطابق ایڈیشنل ڈسٹرکٹ اینڈ سیشن جج جنوبی/ماڈل کورٹ جوڈیشل کمپلیکس میں بول نیوزکے اینکر مرید عباس قتل کیس کی سماعت میں ملزم عاطف زمان اور وکیل کی جانب سے مسلسل تاخیری حربے استعمال کیے جارہے ہیں۔
شیڈول مقرر یونے کے باوجود مرید عباس قتل کیس کے دو اہم گواہوں کے بیانات قلمبند نہ ہوسکے۔ ملزم عاطف زمان کا وکیل بلڈ پریشر ہائی ہونے کا بہانہ بنا کر پیش نہ ہوا۔
Advertisement
عدالت نے کیس کی سماعت کی جلدی مکمل کرنے کے لیے چوتھی بار شیڈول جاری کردیا۔
عدالت نے کہا کہ 7 ستمبر سے 24 ستمبر کے دوران کیس میں شواہد ریکارڈ کیے جائیں گے۔
ایڈیشنل ڈسٹرکٹ اینڈ سیشن جج جنوبی نے کہا کہ 28 ستمبرکو ملزم کا بیان ریکارڈ کیا جائے اوراگر ملزم کی جانب سے کوئی گواہ ہیں تو پیش ہو سکتے ہیں۔ یکم اکتوبر کو کیس میں حتمی دلائل دئیے جائیں گے۔
عدالت نے مذید کہا کہ کیس کا فیصلہ 8 اکتوبر کو سنایا جائے گا۔
واضح رہے کہ مرید عباس قتل کیس میں عاطف زمان عدالتی ریمانڈ پر جیل میں ہے۔
پولیس کا کہنا ہے کہ کیس کا ایک ملزم عادل زمان مفرور ہے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
