شازیہ مری نے کہا ہے کہ ہم پاکستان کی بقا، ترقی اور سالمیت کیلئے مل کر کام کریں گے۔

تفصیلات کے مطابق وفاقی وزیر تخفیف غربت اور سماجی تحفظ شازیہ مری نے 75 ویں یوم آزادی کے موقع پرعوام کیلئے اپنے ایک ویڈیو پیغام میں کہا کہ تمام پاکستانیوں کو میری طرف سے پاکستان کا 75 واں یوم آزادی مبارک ہو۔

انہوں نے کہا کہ فخر کرتے ہیں کہ ہم پاکستانی ہیں، ہمیں اس بات کی قدر بھی ہے کہ پاکستان ہمارا وطن ہے اور ہم اسکے شہری ہیں اور ہمیں اس بات کا احساس ہے کہ پاکستان ہماری پہچان ہے۔

شازیہ مری نے یہ بھی کہا کہ ہمیں اس بات کو بھی یقینی بنانے کی ضرورت ہے کہ ہماری ہر کوشش اور ہرقدم پاکستان کی بہتری، اور ترقی کیلئے ہوگا، تو آئی ہم اس دن کو عہد کریں کہ ہم پاکستان کی بقا، ترقی اور سالمیت کیلئے مل کر کام کریں گے۔

ان کا کہنا تھا کہ ہم پاکستان کے اندر جو لوگ تقسیم اور نفرت کی بات کو پھیلا رہے ہیں ان کا بحیثیت قوم مل کر مقابلہ کریں گے، ہم اس بات کا اعادہ کرتے ہیں کہ ایک قوم بن کر وطن عزیز کی خدمت کریں گے۔

وفاقی وزیر تخفیف غربت اور سماجی تحفظ شازیہ مری کا مزید کہنا تھا کہ ہم بانی قائد اعظم محمد علی جناح کے پاکستان کو یقینی بنائیں گے اور ہم محنت سے پاکستان کا لوہا پوری دنیا میں منوائے گے، پاکستان ذندہ باد۔

14 اگست ۔۔۔۔۔۔ ملک بھر میں آزادی کا جشن

ملک بھر میں 14 اگست آزادی کے طور پر خوب جوش و خروش سے منایا جارہا ہے ، ملک کے ہر کونے میں ’پاکستان زندہ باد‘ نے نعرے لگائے جارہے ہیں اور آزادی کا جشن ہر ایک اپنے اپنے انداز میں منارہا رہے۔

یہ دن ہمیں قائداعظم محمد علی جناح ؒ کی ولولہ انگیزقیادت میں اپنے آباﺅ اجداد کی بے شمار قربانیوں کی یاد دلاتا ہے، یہ دن ہمیں کارکنانِ تحریک پاکستان کے نظریات پر قائم رہنے کے عزم کی تجدید اور ان کی جدوجہدکو خراج تحسین پیش کرنے کا موقع فراہم کرتا ہے۔

ماضی کے برعکس، یہ یوم آزادی غیر معمولی مشکل حالات میں منایا جا رہا ہے جب ساری دنیا کورونا وبا سے شدید متاثر ہوئی ہے، جس کے منفی اثرات زندگی کے تمام شعبوں بشمول معیشت، صحت اور تعلیم پر مرتب ہوئے ہیں۔ ان تمام صورتحال کے باوجود بھی ملک بھر میں جشن آزادی کے موقع پر چھوٹی بڑی ریلیوں کا اہتمام کیا گیا ہے۔