جیکب آباد؛ سیشن جج کےدورے کے دوران متاثرین نے انتظامیہ کے خلاف شکایات کے انبار لگا دیے۔

تفصیلات کے مطابق سیشن جج عبدالغفورکلہوڑو نے تحصیل ٹھل کی ہیڈ کوارٹرمیں اسپتال اور ٹینٹ سٹی کا اچانک دورہ کیا۔

اس موقع پرسول میجسٹریٹ اسٹنٹ کمشنر ٹھل اور مختیارکارٹھل سیشن جج کے ہمراہ تھے۔

متاثرین سیلاب نے سیشن جج سے ملاقات کے دوران انتظامیہ کی کارکردگی سے متعلق شکایات کے انبار لگا کران کے پول کھول دیے۔

 تعلقہ اسپتال میں ایکسرے مشین جنریٹرغیر فعال ہونے پرسیشن جج عبدالغفورکلہوڑونے برہمی کا اظہار کیا اورتعلقہ اسپتال میں ڈاکٹرزکی غیر حاضری پر سیشن جج کی جانب سے شوکاز نوٹس دینے کا حکم دیا۔

سیشن جج نے واٹر سپلائی اسکیم اور پبلک ہیلتھ آفس کا بھی دورہ کیا اورشہر میں ڈرینج سسٹم فوری طورپر بحال کرنے کا حکم دیا۔

سیشن جج کی آمد کا سن کر سیلاب متاثرین کی بڑی تعداد اسپتال پہنچ گئی اورمتاثرین نے ان سے شکایت کی۔

متاثرہ خاتون نے جج کے سامنے دہائی دیتے ہوئے کہا کہ ہم گزشتہ بیس روزسے دھوپ پر چارپائی سے سایا بنا کر زندگی گزارنے پرمجبورہیں۔

سیشن جج نے انتظامیہ کو حکم دیا کہ اسٹننٹ کمشنراورمختیار کاردو گھنٹوں کے اندرسیلاب متاثرین کو خیمے اور تمام سہولیات فراہم کرے۔

انھوں نے کہا کہ سول مجسٹریٹ مختلف اوقات میں اسپتال کا دورہ کرے گا اور رپورٹ دے گا۔

سیشن جج نے اسٹنٹ کمشنر کو مخاطب کرتے ہوئے کہا کے انتظامیہ متاثرین کو سہولت فراہم کرنے میں ناکام بن چکی ہے۔