پشاورہائی کورٹ میں دریاؤں کے تحفظ سے متعلق کیس کی سماعت ہوئی جس میں چیف سیکرٹری خیبرپختونخوا ہائیکورٹ میں پیش ہوئے۔

چیف جسٹس قیصر رشید نے کہا کہ 2010 میں سیلاب نے تباہی مچائی تھی اور اب پھر وہی ہوا۔  دریاؤں میں ہوٹلز اور کرشنگ پلانٹس بنانے کی اجازت دی۔

چیف سیکریٹری نے عالت کو بتایا کہ ان تمام معاملات کا جائزہ لے رہے ہیں۔ عدالتی احکامات کے مطابق اس لئے اتھارٹی بنارہے ہیں۔ اتھارٹی میں بہترین افسران کو تعینات کرکے ان سے کام لیا جائے۔

چیف سیکریٹری نے کہا کہ  پی سی ون منظور ہوچکا ہے۔ دسمبر تک معاملات فائنل کرکے میرٹ پر افسران تعینات کرینگے۔

پشاور ہائی کورٹ نے سماعت ملتوی کردی۔

دوسری جانب ڈی جی پراونشل ہیلتھ سروسز اکیڈیمی ڈاکٹر صاحب گل کا عہدے سے ہٹانے کیخلاف کیس کی بھی سماعت ہوئی۔

وکیل درخواستگزار نے کہا حکومت نے غیر قانونی اور سیاسی بنیاوں پرعہدے سے ہٹایا۔ عہدے سے ہٹانے سے پہلے کوئی نوٹس نہیں دیا گیا۔

ایڈوکیٹ جنرل نے کیس ملتوی کرنے کی استدعا کی جس پرجسٹس روح الامین نے کہا کہ ایسے آرڈر جاری کرکے ایک شخص کو قربانی کا بکرا بنائیں گے تو کیا ہوگا۔

ایڈووکیٹ جنرل ہمیں ٹائم دیا جائے، اس کیس کو دیکھ کرعدالت کو آگاہ کریں گے۔

پشاور ہائی کورٹ نے ایڈوکیٹ جنرل کی استدعا منظورکرکے سماعت کل تک ملتوی کردی۔