سندھ ہائی کورٹ نے مخدوش عمارت کے گرانے کے معاملے پرسندھ حکومت اورمحکمہ آثار قدیمہ کو نوٹس جاری کردیے۔

تفصیلات کے مطابق سندھ ہائی کورٹ میں پاکستان چوک پرواقع رقیہ منزل کی مخدوش حالت کے معاملے پرعمارت کی مالکہ نے سندھ ہائی کورٹ سے رجوع کرلیا۔

خاتون درخواست گزارنے وکیل کے توسط عدالت کو بتایا کہ رقیہ منزل میری پراپرٹی ہے۔

ظہوراعوان ایڈووکیٹ نے درخواست میں بتایا کہ عمارت مخدوش ہونے کے باعث عمارت کا ایک حصہ گرچکا۔ عمارت گرا کر دوبارہ بنانا چاہتے ہیں مگر محکمہ آثار قدیمہ رکاوٹ ڈال رہا ہے۔

خاتون کی جانب سے درخواست میں کہا گیا کہ محکمہ آثار قدیمہ کا دعویٰ ہے کہ عمارت آثار قدیمہ کا حصہ ہے۔

عدالت نے سندھ حکومت، محکمہ آثار قدیمہ کو نوٹس جاری کرتے ہوئے فریقین سے آئندہ سماعت پر جواب طلب کرلیا۔

متاثرین کومتبال اراضی دینےکا کیس

دوسری جانب سندھ ہائی کورٹ میں لائینز ایریا ری سیٹلمنٹ پراجیکٹ کے متاثرین کو متبال اراضی دینے کے کیس کی بھی سماعت ہوئی۔

ڈپٹی ڈائریکٹرلائنز ایریا اورپراجیکٹ ڈائریکٹرعدالت میں پیش ہوئے اور عدالت کو بتایا کہ  متاثرہ فیملی کو متبادل اراضی دینے کو تیارہیں۔

سندھ ہائی کورٹ نے پوچھا کہ پلاٹ نمبر بتائیں اور اراضی کی قانونی پوزیشن بھی۔ ایسا نہ ہو آپ سرکاری اراضی یا کسی اور گھر الاٹ کریں۔

عدالت نے کہا کہ ایسا نہ ہوکارروائی عدالت پرڈال کرآپ لوگوں نکل جائیں۔ پہلے آپ پلاٹ نمبراور قانونی پوزیشن بتائیں۔

سندھ ہائی کورٹ نے ڈپٹی ڈائریکٹرلائنزایریا پراجیکٹ سے تفصیلات طلب کرلیں۔

لائنز ایریا پراجیکٹ کے متاثرین نے تجمل لودھی ایڈووکیٹ کے توسط سے درخواست دائر کر رکھی ہے۔