سابق وزیرخزانہ اسحاق ڈارنے وارنٹ گرفتاری کے خلاف درخواست دائرکر دی۔ 

تفصیلات کے مطابق سابق وزیرخزانہ اور مسلم لیگ ن کے رہنما اسحاق ڈار نے وارنٹ گرفتاری کے خلاف اسلام آباد کی احتساب عدالت میں دائر کی۔

درخواست احتساب عدالت کے جج محمد بشیر کی عدالت میں دائر کی گئی۔

اسحاق ڈار کے وکیل قاضی مصباح نے مؤقف اپنایا کہ اسحاق ڈار کے وارنٹ گرفتاری نیب واپس لے۔ اسحاق ڈار سرنڈر کرنے کے لیے تیار ہیں ان کو واپسی پر گرفتار نہ کیا جائے۔

وکیل قاضی مصباح نے عدالت سے استدعا کی کہ اسحاق ڈار کو پاکستان واپسی پر گرفتار نہ کیا جائے۔

احتساب عدالت نے نیب کو نوٹس جاری کرتے ہوئے سماعت 23 ستمبر تک ملتوی کر دی۔

دوسری جانب اسحاق ڈارکی اشتہای قراردینے کیخلاف درخواست واپس ہونے کے بعد اشتہاری اور مقرور قراردینے کا فیصلہ برقرار ہے۔

سابق وزیر خزانہ اسحاق ڈار نے اشتہای قرار دینے کے خلاف درخواست واپس لے لی جس کے بعد سپریم کورٹ نے مسلم لیگ ن کے سینئررہنما اسحاق ڈار کی درخواست واپس لینے کی بنیاد پر خارج کر دی۔

عدالت نے درخواست خارج ہونے سے اسحاق ڈار کو اشتہاری اور مفرور قرار دینے کا فیصلہ برقرار رکھا۔

اسحاق ڈار کی جانب سے سپریم کورٹ میں وکیل سلمان بٹ عدالت میں پیش ہوئے اورعدالت سے کہا کہ متعلقہ فورم سے رجوع کرنا چاہتے ہیں۔