عوام کو ان کی دہلیز پر خدمات کی فراہمی اولین ترجیح ہے، محمود خان

ویب ڈیسک

19th Sep, 2022. 07:20 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

عوام کو ان کی دہلیز پر خدمات کی فراہمی اولین ترجیح ہے، محمود خان

محمود خان نے کہا ہے کہ عوام کو ان کی دہلیز پر خدمات کی فراہمی اولین ترجیح ہے۔

تفصیلات کے مطابق وزیر اعلیٰ خیبر پختونخوا محمود خان کی زیر صدارت ای گورننس اور سٹیزن فسیلیٹیشن سنٹرز کا اجلاس ہوا ہے۔

اجلاس میں وزیر اعلیٰ خیبر پختونخوا کو بریفنگ دیتے ہوئے کہا گیا کہ ابتدائی طور پر 19 مختلف خدمات آن لائن فراہم کی جائیں گی، خدمات کی آن لائن فراہمی کے لیے ویب اور موبائل ایپلیکیشنز تیار کر لی گئی ہیں۔

اجلاس کی صدارت کرتے ہوئے وزیر اعلیٰ خیبر پختونخوا محمود خان کا کہنا تھا کہ عوام کو ان کی دہلیز پر خدمات کی فراہمی اولین ترجیح ہے، ڈومیسائل، میریج سرٹیفکیٹ اور دیگر شہری خدمات اب آن لائن میسر ہونگی۔

انہوں نے کہا کہ سیٹیزن فیسیلیٹشن سنٹر کی تکمیل سےعوام کی خدمات تک رسائی سہل ہو سکے گی، ڈویژنل سطح پر فیسیلیٹشن سنٹرز کے قیام کو دو ماہ میں مکمل کیا جائے۔

محمود خان نے ہدایت دیتے ہوئے کہا کہ ای گورننس کے تمام پہلوؤں کی تکمیل یقینی بنائی جائے، ای گورننس منصوبے کی تکمیل سے خیبرپختونخوا پہلا پیپر لیس صوبہ بن جائے گا۔

وزیر اعلیٰ خیبر پختونخوا محمود خان نے مزید کہا کہ ای گورننس کے انعقاد سے سرکاری امور میں تیزی ممکن ہو گی۔