سپریم کورٹ نے موٹروے بھونگ انٹرچینج تعمیرکے کیس میں سیکریٹری پلاننگ اینڈ ڈیویلپمنٹ کو فوری طلب کرلیا۔

تفصیلات کے مطابق سپریم کورٹ میں موٹروے بھونگ انٹرچینج تعمیر سے متعلق کیس کی سماعت کے دوران عدالت نے  پلاننگ اینڈ ڈیویلمنٹ کی رپورٹ پربرہمی کا اظہارکیا۔

سیکریٹری پلاننگ اینڈ ڈیویلپمنٹ کو فوری طلب کرتے ہوئے جسٹس اعجازالاحسن نے کہا کہ عدالت کو رپورٹ میں مس لیڈ کیا گیا۔  کیوں نہ توہین عدالت کو نوٹس کریں۔ بلائیں سیکرٹری پلاننگ کو۔

سماعت کے دوران ایڈیشنل اٹارنی جنرل راشدین قصوری عدالت میں پیش ہوئے اور عدالت کو بتایا کہ پلاننگ اینڈ ڈیویلپمنٹ نے رپورٹ کل شام کو بھیجی۔

ایڈیشنل اٹارنی جنرل نے کہا کہ رپورٹ کے مطابق بھونگ انٹرچینج معاشی طور پر قابل عمل نہیں۔

جسٹس اعجازالاحسن نے کہا کہ ڈی ڈی پی ڈبلیو نے بھونگ انٹر چینج کی منظوری دی۔ ڈی ڈی ڈبلیو پی میٹنگ کے مینٹس بھی رپورٹ کے ساتھ لگے ہیں۔ کس کے کہنے پر رپورٹ کا ڈرافت تبدیل ہوا۔

جسٹس اعجاز الااحسن نے چیف ٹرانسپورٹ اینڈ کمیونیکیشن افسر سے استفسارکیا کہ آپ کو رپورٹ تبدیل کرنے کا کس نے کہا۔ آپ نے رپورٹ خود تبدیل کی یا سیکریٹری نے ایسا کرنے کو کہا۔

جسٹس اعجازالاحسن نے کہا کہ جس نے رپورٹ کو تبدیل کیا اس کے خلاف کاروائی کریں گے۔ عدالت کے سامنے سمارٹ اور چالاک بننے کی کوشش نہ کریں۔

چیف ٹرانسورٹ ایںد کمینیونیکیشن سہیل فاضل نے جواب دیا کہ سر! ایسا نہیں ہے۔

عدالت نے کہاکہ بتا دیں کس نے رپورٹ میں مس لیڈ کیا۔ عدالت کو مس لیڈ کرنے کے نتائج سنگین ہوں گے۔ رپورٹ کا سیکوئنس اختتام پر تبدیل کیا گیا۔