پاکستان کے کپتان بابر اعظم انگلینڈ کے خلاف ٹی ٹوئنٹی سیریز کے پانچویں میچ میں 61 رنز بنا کر ایک اور ریکارڈ اپنے نام کر سکتے ہیں۔

تفصیلات کے مطابق بابر اعظم ٹی ٹوئنٹی میں تیز ترین 3 ہزار رنز بنانے کے ریکارڈ سے صرف 61 رنز دور ہیں، یہ ریکارڈ بھارتی بیٹسمین ویرات کوہلی کے پاس ہے۔

یاد رہے کہ ویرات کوہلی نے حال ہی میں بابر اعظم کو ٹی ٹوئنٹی فارمیٹ میں دنیا کا ٹاپ بلے باز” قرار دیا تھا۔

بابر اعظم اور ویرات کوہلی اس وقت دنیا کے دو باصلاحیت بلے باز ہیں۔ یہ کہ وہ پاکستان اور بھارت کی نمائندگی کرتے ہیں۔

پاکستان اور بھارت دو ایسے ممالک جہاں کرکٹ کو بھرپور طریقے سے فالو کیا جاتا ہے، اس کا مطلب ہے کہ ان کی مقبولیت اکثر بلندی کو چھو جاتی ہے۔

ویرات کوہلی نے بابر اعظم سے بہت پہلے بین الاقوامی منظر نامے میں قدم رکھا اور ان کے نام کئی ریکارڈز ہیں۔

تاہم بابر اعظم تیزی سے رفتار پکڑ رہا ہے اور اس نے کوہلی کے کئی ریکارڈ توڑ دیے ہیں، پاکستان کرکٹ ٹیم کے کپتان کے پاس آج ہونے والے میچ میں کوہلی کا ایک اور ریکارڈ توڑنے کا موقع ہے۔

ویرات کوہلی 2021 میں انگلینڈ کے دورہ بھارت کے دوران 3000 ٹی ٹوئنٹی رنز بنانے والے تیز ترین بلے باز بن گئے تھے، انہوں نے اس اہم سنگ میل کو عبور کرنے کے لیے 81 اننگز کی مدد لی۔

پاکستان کے 27 سالہ بابر اعظم اس وقت پاکستان کی جانب سے 79 اننگز میں 2939 رنز بنا چکے ہیں۔ لہذا بابر کو کوہلی کو پیچھے چھوڑنے کے لیے پانچویں ٹی ٹوئنی میں 61 رنز بنانے ہوں گے۔

یاد رہے کہ سابق بھارتی کپتان ویرات کوہلی نے حال ہی میں بابر کو فارمیٹ بھر میں دنیا کے سب سے اوپر کے بلے باز کے طور پر سراہا تھا اور یہ بھی کہا کہ وہ اس قسم کے کھلاڑی ہیں جس کی عالمی کرکٹ کی ضرورت ہے۔

ویرات کوہلی نے ایک اسپورٹس چینل سے گفتگو کرتے ہوئے کہا تھا 2019 کے ورلڈ کپ میں مانچسٹر میں کھیل کے بعد میری عماد وسیم اور بابر اعظم سے بات چیت ہوئی تھی تھا۔

ویرات کوہلی نے کہا کہ وہ عماد کو انڈر 19 کرکٹ سے جانتا ہوں، ہم ایک دوسرے کے خلاف کھیل چکے ہیں۔