پیٹرولیم مصنوعات کی قیمتوں میں اضافےکیخلاف درخواست پرفریقین کوآخری مہلت

منیر باجوہ

13th Sep, 2022. 01:52 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پیٹرولیم مصنوعات کی قیمتوں میں اضافےکیخلاف درخواست پرفریقین کوآخری مہلت

لاہورہائی کورٹ نے پیٹرولیم مصنوعات کی قیمتوں میں اضافےکیخلاف درخواست پرفریقین کوجواب کی آخری مہلت دے دی۔

تفصیلات کے مطابق لاہورہائیکورٹ میں پیٹرولیم مصنوعات کی قیمتوں میں اضافےکیخلاف درخواست پرسماعت ہوئی۔

عدالت نے فریقین کوجواب کیلئے 28 ستمبر تک آخری مہلت دیتے ہوئے پیٹرولیم مصنوعات کی قیمتوں کیلئے طریقہ کارپیش کرنے کا حکم دے دیا۔

اوگرا سمیت دیگر فریقین نے لاہور ہائی کورٹ سے تحریری جواب کیلئے مہلت کی استدعا کی۔

جسٹس شاہد کریم نے پیٹرولیم مصنوعات کی قیمتوں کے خلاف درخواست پر سماعت کی۔

اوگرا کی طرف سے احمد پرویز ایڈووکیٹ نے وکالت نامہ پیش کیا اورجواب کیلئے مہلت مانگی جبکہ درخواست گزارکی طرف سے اظہر صدیق ایڈووکیٹ پیش ہوئے۔

درخواست گزار نے عدالت کے سامنے مؤقف اختیار کیا کہ عالمی مارکیٹ میں پیٹرولیم مصنوعات کی قیمتیں عمران خان کے دور حکومت سے بھی کم ہو چکی ہیں۔

درخواست گزار نے مؤقف اپنایا کہ حکومت پیٹرولیم مصنوعات کی قیمتوں میں کمی کی بجائے بڑھائے جا رہی ہے۔

درخواست گزار نے عدالت سے استدعا کی کہ عدالت نے حکومت کو پیٹرولیم مصنوعات کی قیمتیں بڑھنے کا طریقہ کار پیش کرنے کا حکم دیا تھا۔

درخواست میں عدالت سے استدعا کی گئی کہ پیٹرولیم مصنوعات کی قیمتیں بڑھانے کا طریقہ کار طلب کیا جائے اورپیٹرولیم مصنوعات کی قیمتیں کم کرنے کا حکم دیا جائے۔