ملک کی تمام قومی شاہراہوں پر مسافروں کے لئے سہولیات مہیا کی جائیں، مولانا اسعد محمود

ویب ڈیسک

27th Sep, 2022. 12:01 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ملک کی تمام قومی شاہراہوں پر مسافروں کے لئے سہولیات مہیا کی جائیں، مولانا اسعد محمود

مولانا اسعد محمود نے کہا ہے کہ ملک کی تمام قومی شاہراہوں پر مسافروں کے لئے سہولیات مہیا کی جائیں۔

تفصیلات کے مطابق وفاقی وزیر مواصلات مولانا اسعد محمود کی زیرصدارت اعلیٰ سطح کا اجلاس ہوا۔

اجلاس میں چیئرمین این ایچ اے کیپٹن خرم آغا نے سیلاب کے باعث تباہ شدہ سڑکوں کی صورتحال سے مولانا اسعد محمود کو آگاہ کیا اور ہکلہ ڈی آئی خان موٹروے پر بریفنگ بھی دی۔

اس موقع پر وفاقی وزیر مولانا اسعد محمود نے ہدایت دیتے ہوئے کہا کہ ڈی آئی خان ہکلہ موٹروے کے سروس روڈذ اور سروسز ایریاز کو جلد مکمل کیا جائے۔

وفاقی وزیر مواصلات مولانا اسعد محمود نے مزید کہا کہ سیلاب کے باعث متاثر ہونے والی قومی شاہراہوں کو فوراً بحال کیا جائے اور ملک کی تمام قومی شاہراہوں پر مسافروں کیلئے سہولیات بھی مہیا کی جائیں۔

اجلاس میں سیکرٹری مواصلات و چیئرمین این ایچ اے کیپٹن خرم آغا اور ممبر ایڈمن سمیت دیگر حکام بھی شریک تھے۔