وزیر خارجہ نے کہا ہے کہ مون سون کی موسلادھار بارشوں سے بڑے پیمانے پر نقصانات ہوئے ہیں۔

تفصیلات کے مطابق وزیر خارجہ بلاول بھٹو زرداری سے ایرانی ہم منصب امیر عبدالہیان کا ٹیلیفونک رابطہ ہوا جس میں باہمی دلچسپی کے امور پر تبادلہ خیال کیا گیا۔

Thank you FM @Amirabdolahian for call and relief assist. by Iran on floods in Pakistan. Briefed on extensive damages due to torrential monsoon weather. Looked forward to working with int’l community for the success of UN Flash Appeal. Discussed issues of bilateral interests pic.twitter.com/xTxp4C9ofk

— BilawalBhuttoZardari (@BBhuttoZardari) September 1, 2022

 وزیر خارجہ بلاول بھٹو زرداری نے کہا کہ ایران کی جانب سے غیرمعمولی سیلابی صورتحال میں امداد کی فراہمی قابل ستائش ہے۔

وزیر خارجہ بلاول بھٹو زرداری نے مزید کہا کہ مون سون کی موسلادھار بارشوں سے بڑے پیمانے پر نقصانات ہوئے ہیں، عالمی برادری کے ساتھ اقوام متحدہ فلیش اپیل کی کامیابی کے لیے پرعزم ہیں۔

بلاول بھٹو کا سید علی شاہ گیلانی کی برسی پر پیغام

دوسری جانب پی پی پی چیئرمین و وزیرخارجہ بلاول بھٹو زرداری نے کشمیری حریت پسند رہنما مرحوم سید علی شاہ گیلانی کی برسی پر بھی ٹویٹر پر اپنا ایک پیغام جاری کیا ہے۔

Advertisement

On 1st martyrdom anniversary of Syed Ali Shah Geelani I join Kashmiri people in paying rich tribute to the bravest & most ardent advocate of Kashmir’s freedom struggle. Geelani sb’s memory will continue to inspire Kashmiris in their quest for a future free from Indian occupation

— BilawalBhuttoZardari (@BBhuttoZardari) September 1, 2022

بلاول بھٹو زرداری نے کہا کہ سید علی شاہ گیلانی کی پہلی برسی کے موقعے پر کشمیری عوام کے ساتھ کشمیر کی جدوجہد آزادی کے نڈر و پرعزم وکیل کو زبردست خراج عقیدت پیش کرتا ہوں:  بلاول بھٹو زرداری

بلاول بھٹو زرداری نے مزید کہا کہ گیلانی صاحب کی یاد کشمیریوں کو بھارتی غاصبیت سے آزاد مستقبل کی جدوجہد کے لیے حوصلہ بڑھاتی رہے گی۔