حافظ سعد رضوی نےکہا ہے کہ ہماری مسلح افواج دنیا کی کسی افواج سے کم نہیں۔
تفصیلات کے مطابق یوم دفاع پاکستان کے موقع پر امیر تحریک لبیک پاکستان حافظ سعد حسین رضوی نے اپنے ایک پیغام میں کہا کہ ملت پاکستان 6 ستمبر شہیدوں اور غازیوں کو یاد کرنے کا دن ہی نہیں بلکہ اپنی عظمت کا نشان سمجھتی ہے۔
حافظ سعد حسین رضوی نے کہا کہ ستمبر کی جنگ پاکستانی قوم کے لیے وقار اور لازوال داستان کا درجہ رکھتی ہے جبکہ دفاع جتنا مضبوط ہو قوم بھی اتناہی مضبوط اور فخر محسوس کرتی ہے۔
امیر ٹی ایل پی کا کہنا تھا کہ جنہوں نے اپنے ملک کی سالمیت و حفاظت کے لیے اپنی خوبصورت جان بلند حوصلہ کے ساتھ ہمارے آنے والے کل کے لیے قربان کر دی، پاکستانی قوم رہتی دنیا تک اپنے ان شہید مجاہدوں اور غازیوں کو سلام پیش کرتی رہے گی۔
ان کا یہ بھی کہنا تھا کہ ہماری مسلح افواج دنیا کی کسی افواج سے کم نہیں، حکمران یہ بات ذہن نشین کر لیں کہ کشمیر پاکستان کی شہ رگ ہے اور دشمن کے قبضے سے اپنی شہ رگ کو چھڑوانا ہماری اہم ذمہ داری ہے۔
امیر ٹی ایل پی حافظ سعد حسین رضوی کا مزید کہنا تھا کہ سفارتکاری اور ہر محاذ پر اقوام عالم کو باور کروانے کا وقت گیا، پاکستان کو کشمیر کے لئے میدان عمل میں آنا ہوگا تاکہ کشمیری بھی آزادی کی زندگی گزار سکیں۔
واضح رہے کہ پوری قوم آج پرجوش طریقے سے یوم دفاع منا رہی ہے۔
یوم دفاع یوم دفاع ہر سال 6 ستمبر کو 1965 میں بھارت کی جارحیت کے خلاف اور ملکی دفاع کیلئے افواج پاکستان کے بہادر سپوتوں کی کارکردگی اور قربانیوں کی یاد میں منایا جاتا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News