کراچی میں پانی کی کمی دور کرنے کے لئے کے فور بہت اہم منصوبہ ہے، خورشید شاہ

ویب ڈیسک

05th Oct, 2022. 07:06 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کراچی میں پانی کی کمی دور کرنے کے لئے کے فور بہت اہم منصوبہ ہے، خورشید شاہ

خورشید احمد شاہ نے کہا ہے کہ کراچی میں پانی کی کمی دور کرنے کے لئے کے فور بہت اہم منصوبہ ہے۔

تفصیلات کے مطابق وفاقی وزیر آبی وسائل سید خورشید احمد شاہ نے کے فور پراجیکٹ آفس کا دورہ کیا اور پراجیکٹ پر کام کی پیش رفت کا جائزہ لیا۔

اس موقع پر وفاقی وزیر آبی وسائل سید خورشید احمد شاہ کو پراجیکٹ انتظامیہ نے بریفینگ دیتے ہوئے کہا کہ کے فور پراجیکٹ کے پہلے مرحلے کی تعمیر وفاقی حکومت نے واپڈا کے سپرد کر دی ہے جبکہ کے فور پراجیکٹ پر 8 مختلف کنٹریکٹ کے تحت کام بھی جاری ہے۔

انہوں نے کہا کہ کے فور پراجیکٹ کے شیڈول کے مطابق تکمیل کے لئے فنڈز کی بروقت فراہمی نہایت اہم ہے۔

پراجیکٹ انتظامیہ نے وزیر آبی وسائل کو بریفینگ دیتے ہوئے مزید کہا کہ کے فور پراجیکٹ کے پہلے مرحلے کی تکمیل مارچ 2024 میں شیڈول ہے اور پہلے مرحلے کی تکمیل پر کراچی کو یومیہ 260 ملین گیلن پانی ملے گا۔

اس موقع پر وفاقی وزیر آبی وسائل سید خورشید احمد شاہ نے کہا کہ کراچی شہر میں پانی کی کمی دور کرنے کے لئے کے فور بہت اہم منصوبہ ہے، وزارت آبی وسائل کے فور پراجیکٹ کے شیڈول کے مطابق تکمیل کے لئے واپڈا کو بھر پور معاونت فراہم کرے گی۔

دورے میں چیئرمین واپڈا لیفٹیننٹ جنرل سجاد غنی (ریٹائرڈ) بھی وفاقی وزیر سید خورشید احمد شاہ کے ہمراہ تھے۔