امریکہ نے روس سے نبرد آزما یوکرین کے لیے نئی فوجی امداد کا اعلان کر دیا، یہ امداد 275 ملین ڈالرز مالیت کی ہوگی۔

تفصیلات کے مطابق یہ اعلان امریکہ کی طرف سے جمعہ کے روز کیا گیا ہے۔ اس امریکی اعلان کے بعد اب تک یوکرین کے لیے امریکی امدادی فوجی امداد کی مجموعی مالیت ساڑھے اٹھارہ ارب ڈالرز ہو گئی ہے۔

امریکہ کی طرف سے یہ جنگی امداد جنوری 2021 سے لے کر اب تک دی گئی ہے۔

امریکی وزیر خارجہ انتونی بلنکن نے کہا میں امریکی صدر نے اپنے چوبیسویں ڈرا ڈاؤن اختیار کے تحت دیئے گئے اختیارات کے تحت یہ اعلان کر رہا ہوں۔

انتونی بلنکن نے کہا کہ اگست 2021 سے اب تک یوکرین کے لیے ڈرا ڈاون کے حوالے سے امداد دی جارہی ہے، انہوں نے مزید کہا ڈرا ڈاون کے تحت یوکرین کو دی جانیوالی یہ امداد پینٹا گون کی انوینٹریز میں سے ہے۔

امریکی وزیر خارجہ نے کہا کہ ہم یوکرین کو فضائی دفاع کا نطام دینے کے لیے بھی کوشش اور تیاری کر رہے ہیں۔

انتونی بلنکن کے مطابق ناسا اس حوالے سے امریکی فضائی دفاع کے سسٹم کے دو ابتدائی یونٹ تیار کر چکا ہے جو اگلے ماہ یوکرین کے حوالے کر دیئے جائیں گے۔

وزیر خارجہ نے یہ بھی کہا ہے کہ امریکہ اپنے اتحادیوں کے ساتھ مل کر اس معاملے پر بھی کام کر رہے ہیں کہ امریکی اتحادی ممالک اپنا دفاعی نظام بھی یوکرین کو فراہم کریں۔

واضح رہے روس نے رواں سال 24 فروری کو یوکرین پر حملہ کیا تھا، تب سے اب تک اسے اربوں دالر کی امداد دی جا چکی ہے۔

پنٹا گون کی ڈپٹی پریس سیکرٹری سبرینا سنگھ نے بتایا تھا کہ اس امدادی پیکیج میں ایم ایم توپ کے گولوں کو بھی شامل کیا گیا ہے۔

اسی طرح ٹینک شکن سسٹم اور دوسرا چھوٹا اسلحہ بھی شامل ہے علاوہ ازیں چار سیٹ لائٹ انٹیناز بھی اس فوجی امدادی پیکج میں شامل کیے گئے ہیں۔