کراچی میں سال 2022 کے دوران ہونے والے ٹریفک حادثات کے اعداد و شمار بول نیوز نے حاصل کر لیے۔

تفصیلات کے مطابق رواں سال کے دوران 164 افراد جاں بحق اور 148 زخمی ہوئے؛ ڈسڑکٹ ساؤتھ میں 15 افراد جاں بحق اور 12 زخمی ہوئے، ڈسڑکٹ سٹی میں 4 افراد جاں بحق اور 3 افراد زخمی ہوئے جبکہ ڈسڑکٹ سینڑل میں 16 افراد جاں بحق اور  15 افراد زخمی ہوئے۔

ڈسٹرکٹ ایسٹ میں 22 افراد جاں بحق اور 18 افراد زخمی، ڈسڑکٹ ویسٹ میں 59 افراد جاں بحق اور 75 افراد زخمی، ڈسڑکٹ کورنگی میں 13 افراد جاں بحق اور 9 افراد زخمی جبکہ ڈسٹرکٹ ملیر میں 40 افراد جاں بحق اور 29 افراد زخمی ہوئے ہیں۔

بس کی ٹکر سے کراچی میں 11 افراد جاں بحق اور 4 زخمی ہوئے، منی بس کی ٹکر سے 8 افراد جاں بحق اور 30 زخمی ہوئے، کوچ کی ٹکر سے 5 افراد جاں بحق اور 10 افراد زخمی ہوئے، ٹریلر کی ٹکر سے 20 افراد جاں بحق اور 14 افراد زخمی ہوئے ہیں۔

اس ہی طرح ٹرک کی ٹکر سے 36 افراد جاں بحق اور 9 افراد زخمی ہوئے، ڈمپر کی ٹکر سے 14 افراد جاں بحق اور 8 افراد زخمی ہوئے، واٹر ٹینکر کی ٹکر سے 12 افراد جاں بحق اور 16 افراد زخمی ہوئے ہیں۔

2022 کے دوران 115 موٹر سائیکل سوار حادثات کا شکار ہو کر جاں بحق ہوئے جبکہ 32 راہگیر سڑک عبور کرتے ہوئے ٹریفک حادثات کا شکار ہو کر جاں بحق ہوئے۔