بھارت کے شہر کیرالہ کے ایک مچھلی فروش کو بینک ڈیفالٹ کا نوٹس ملنے کے چند گھنٹے بعد ہی لاٹری میں پہلا انعام نکل آیا۔

تفصیلات کے مطابق قرض ادا نہ کرنے پر بینک سے ڈیفالٹ کا نوٹس موصول ہونے کے چند گھنٹے بعد ہی مچھلی فروش کی 70 لاکھ کی لاٹری نکل آئی۔

قرض کی ادائیگی میں ڈیفالٹ کے لئے بینک سے نوٹس موصول ہونے کے چند گھنٹے بعد ہی ریاست کیرالہ کے ایک مچھلی فروش کو اس وقت سب سے بڑی خوشی مل گئی، جب اس نے ریاستی حکومت کی 70 لاکھ روپے کی اکشے لاٹری جیت لی۔

پوکنجو نامی مچھلی فروش نے 12 اکتوبر2022 کو اس وقت 70 لاکھ روپے کے پہلے انعام والا ایک لاٹری ٹکٹ خریدا جب وہ مچھلی لینے جا رہا تھا۔

 40سالہ پوکنج قرض کے بوجھ تلے دبا ہوا تھا اور اس کی خوش بختی نے اُس کے تمام مسائل کا فوری حل فراہم کردیا جب وہ 70 لاکھ روپئے کی لاٹری جیت گیا۔

پوکنجو دوپہر کو گھر واپس آیا تو اسے معلوم ہوا کہ بینک نے اس کے گھر کے حوالے سے اٹیچمنٹ کا نوٹس بھیجا ہے کیونکہ وہ تقریباً نو لاکھ روپے کے قرض کی رقم واپس کرنے سے قاصر رہا تھا۔

خوش نصیب مچھلی فروش کی بیوی کا کہنا ہے کہ بینک سے نوٹس ملنے کے بعد وہ مایوسی کا شکار تھے۔انہیں نہیں معلوم تھا کہ کیا کرنا ہے۔ اپنی جائیداد بیچنی ہے یا نہیں۔

مچھلی فروش کی بیوی نے کہا کہ قسمت عین موقع پر مہربان ہوگئی اور پہلا انعام نکل آیا۔

پوکنجو کی اہلیہ کا کہنا ہے کہ وہ پہلے اپنے تمام قرضے اتاریں گے اور پھر اس بات کو یقینی بنائیں گے کہ ان کے بچوں کو اچھی تعلیم ملے۔