امریکا میں گاہک نے من پسند بریانی نہ ملنے پر ریسٹورنٹ کو ہی آگ لگادی۔

غیر ملکی خبررساں ادارے کی رپورٹ کے مطابق امریکی شہر نیویارک میں قائم ایک بنگلادیشی ریسٹورنٹ میں 49 سالہ شخص نے چکن بریانی کا آرڈر دیا لیکن وہ کھاکر اس شخص کا پارہ ہوئی ہوگیا کیوں کہ اسے بریانی بلکل بھی پسند نہیں آئی۔

آرڈر دینے والے شخص نے اس دن تو کچھ نہیں کیا اور چپ چاپ واپس آگیا مگر اگلے دن وہ اپنے ساتھ آتش گیر کیمیکل لے کر گیا اور اس ریسٹورنٹ کو آگ لگادی۔

ملزم کی جانب ریسٹورنٹ کو آگ لگانے کی سی سی ٹی وی فوٹیج بھی سوشل میڈیا پر وائرل ہورہی ہے جس میں دیکھا جاسکتا ہے کہ وہ شخص کچھ دیر ریسٹورنٹ کے باہر کھڑا ہوکر جائزہ لینے کے بعد ایک گلین میں موجود آتش گیر کیمیکل (ممکنہ طور پر پیٹرول) چھڑکتا ہے اور پھر لائیٹر کے ذریعے آگ لگادیتا ہے لیکن اس دوران وہ خود بھی جھلس جاتا ہے۔

Advertisement

 

Advertisement

Advertisement

View this post on Instagram

Advertisement

Advertisement

Advertisement

 

Advertisement

A post shared by FDNY (@fdny)

ویڈیو میں دیکھا جاسکتا ہے کہ ملزم پیٹرول پھینکنے کے بعد ایک شاپر کو قریب سے لائٹر جلانے کی کوشش کرتا ہے ۔ اس دوران اس کے جوتوں اور پینٹ میں بھی آگ لگ جاتی ہے۔

ویڈیو میں دیکھا جا سکتا ہے کہ ریسٹورینٹ کا عملہ آگ بجھانے میں لگ جاتا ہے اور اس دوران ملزم وہاں سے فرار ہوجاتا ہے۔

بعد ازاں پولیس نے سی سی ٹی وی فوٹیجز کی مدد سے ملزم کو گرفتار کرلیا جس نے اعتراف کیا کہ ریسٹورنٹ والوں نے میرے بریانی کے آرڈر میں کچھ گڑبڑ کی تھی جس کے بعد اگلے دن جاکر میں نے آگ لگادی۔

پولیس نے اعترافی بیان کے بعد ملزم کے خلاف مقدمہ بھی درج کرلیا ہے۔