ممنوعہ فنڈنگ کیس، پی ٹی آئی کی درخواست پر ایف آئی اے کو نوٹس جاری

فیاض محمود

10th Oct, 2022. 10:10 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ممنوعہ فنڈنگ کیس، پی ٹی آئی کی درخواست پر ایف آئی اے کو نوٹس جاری

اسلام آباد ہائی کورٹ نے ممنوعہ فنڈنگ کیس میں پی ٹی آئی کی درخواست پر ایف آئی اے کو نوٹس جاری کر دیا۔

تفصیلات کے مطابق ایف آئی اے انکوائری کے خلاف پی ٹی آئی کی درخواست پر ایف آئی اے کو نوٹس جاری کرتے ہوئے اسلام آباد ہائی کورٹ نے درخواست کو ممنوعہ فنڈنگ کیسز کے ساتھ منسلک کرنے کا حکم دیا۔

عدالت نے حکم دیا کہ ایف آئی اے قانون کے مطابق کاروائی کرے۔

پی ٹی آئی اور سینیٹر سیف اللہ نیازی کی درخواست پر جسٹس عامرفاروق نے سماعت کی۔

عدالت نے استفسار کیا کہ اس حوالے سے کیسز 19 اکتوبر کو سماعت کے لیے مقرر ہیں کیا یہ اسی طرح کا ہے؟

بیرسٹر گوہر وکیل نے جواب دیا کہ جی یہ وہی کیسز ہیں پہلے بنکنگ سرکل اب سائبر کرائم یہ انکوائری کر رہا ہے، نامنظور ڈاٹ کام سے فنڈنگ سے متعلق سائبر کرائم نے نئی انکوائری شروع کی ہے۔

اسلام آباد ہائی کورٹ نے پہلے سے زیر سماعت کیسز کے ساتھ درخواست کو منسلک کرتے ہوئے سماعت 19 اکتوبرتک ملتوی کردی۔