امریکہ کے صدر جو بائیڈن نے ایک تقریب میں ایک نوجوان لڑکی کو غیر اخلاقی طور پر ڈیٹنگ کا مشورہ دینے کی ویڈیو وائرل ہو گئی ہے۔

تفصیلات کے مطابق امریکی صدر کی لڑکی کو ڈیٹنگ پر جانے کے مشورے نے سوشل میڈیا پر تہلکہ مچا دیا ہے اور سوشل میڈیا پر ڈیٹنگ ایڈوائس ویڈیو نے اب تک 5 ملین سے زائد ویوز حاصل کر لیے ہیں۔

امریکی صدر جو بائیڈن اروائن ویلی کمیونٹی کالج کیمپس میں ملاقات اور مبارکباد کے سیشن کے بعد لوگوں کے ساتھ تصاویر بنوا رہے تھے، ان کے بالکل آگے ایک کم عمر نوجوان لڑکی کھڑی تھی۔

President Joe Biden grabs a young girl by the shoulder and tells her “no serious guys till your 30” as she looks back appearing uncomfortable, secret service appears to try to stop me from filming it after Biden spoke @ Irvine Valley Community College | @TPUSA @FrontlinesShow pic.twitter.com/BemRybWdBI

Advertisement

— Kalen D’Almeida (@fromkalen) October 15, 2022

تصاویر کے اس سیشن کے دوران جو بائیڈن نے اپنے سامنے کھڑی اس کم عمر نوجوان لڑکی کے کندھے پر ہاتھ رکھا اور سرگوشی کے انداز میں اس کے کان کے قریب کہا کہ جب تک آپ 30 سال کی نہیں ہو جاتی آپ کو سنجیدہ لڑکا نہیں ملے گا۔

امریکی صدر نے لڑکی سے یہ بھی کہا کہ یہ اہم بات میں نے اپنی بیٹیوں اور پوتیوں کو بھی بتائی تھی، ویڈیو میں دیکھا جا سکتا ہے کہ کم عمر نوجوان لڑکی امریکی صدر کی اس سرگوشی پر پریشان بھی نظر آئی۔

لڑکی نے امریکی صدر کے اس غیر اخلاقی مشورے پر کہا کہ ٹھیک ہے میں اسے یاد رکھوں گی اور پھر ہنسنے لگی۔

امریکی صدر کی اس غیر اخلاقی حرکت پر سوشل میڈیا کے صارفین مختلف انداز میں اپنے خیالات کا اظہار کر رہے ہیں۔

کچھ سوشل میڈیا صارفین کا دعویٰ ہے کہ لڑکی خود کو غیر آرام دہ محسوس کر رہی تھی، جب کہ کچھ کا خیال ہے کہ امریکی صدر کا یہ مشورہ غیر مناسب ہے۔