میشا شفیع کیخلاف ہتک عزت کا دعوی، آئندہ سماعت پر مزید گواہان جرح کیلئے طلب

منیر باجوہ

05th Oct, 2022. 04:13 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

میشا شفیع کیخلاف ہتک عزت کا دعوی، آئندہ سماعت پر مزید گواہان جرح کیلئے طلب
شہریوں کے تحفظ کیلئے سرحد پار دہشتگردوں کیخلاف اقدمات کرتے رہیں گے ، خواجہ آصف
بابر کی فارم میں شاندار واپسی ، مداحوں نے خوب لطف اٹھایا، آؤٹ ہوتے ہی اسٹیڈیم خالی ہو گیا
3 سالہ میکرو اکنامک اور فسکل فریم ورک جاری،معاشی شرح نمو بڑھ کر 5.7 فیصدتک جانے کی توقع

Now Reading:

میشا شفیع کیخلاف ہتک عزت کا دعوی، آئندہ سماعت پر مزید گواہان جرح کیلئے طلب

عدالت نے میشا شفیع کے خلاف ہتک عزت کے دعوے پرآئندہ سماعت میں مزید گواہان کو جرح کیلئے طلب کرلیا۔

تفصیلات کے مطابق لاہور میں ایڈینل سیشن جج خان محمود نے گلوکار اورفلم اسٹار علی ظفر کے ہتک عزت دعوی پر سماعت کی۔

سماعت کے دوران گلوکارہ میشا شفیع کی جانب سے ثاقب جیلانی ایڈووکیٹ عدالت میں پیش ہوئے جبکہ علی ظفر کی جانب سے حشام احمد ایڈوکیٹ عدالت میں پیش ہوئے۔

وکیل میشا شفیع نے مؤقف پیش کیا کہ عدالت نے میشا شفیع کے شوہر اورکیس کے گواہ رحمان کو جرح کے لئے طلب کیا تھا۔ میشاء شفیع کے گواہ رحمان اپنی والدہ کے انتقال کے سبب کینیڈا میں موجود ہے۔

ثاقب جیلانی ایڈووکیٹ نے مؤقف اختیار کیا کہ میشا شفیع اور ان کے شوہر کینیڈا میں ہیں اوران کے لئے پاکستان آنا ممکن نہیں، سپریم کورٹ نے میشا شفیع کی ویڈیو لنک کے ذریعے جرح کی درخواست پر فیصلہ محفوظ کررکھا ہے۔

وکیل درخواست گزار نے عدالت سے استدعا کی کہ سپریم کورٹ کے فیصلے کا انتظار کرلیا جائے اور اسی فیصلے کی روشنی میں کیس کو آگے لے کر چلا جائے۔

لاہور کی مقامی عدالت نے گلوکارہ میشا شفیع کے خلاف ہتک عزت دعوی کی سماعت 18 اکتوبر تک ملتوی کرتے ہوئے آئندہ سماعت پر مزید گواہان کو جرح کے لئے طلب کرلیا۔