میکسیکو میں نقاب پوش کار سواروں کی اندھا دھند فائرنگ کے نتیجے میں میکسیکو سٹی کے میئر اور ان کے والد سمیت 18 افراد ہلاک ہو گئے۔

ہلاک ہونے والے افراد میں زیادہ تر افسران شامل ہیں۔

تفصیلات کے مطابق بین الاقوامی میڈیا ادارہ میں چھپی ایک رپورٹ کے مطابق یہ واقعہ میکسیکو سٹی کے جنوب مغربی علاقہ میں پیش آیا ہے ۔

کچھ نقاب پوش افراد دو گاڑیوں میں آئے انہوں نے سین میگوئل توتولاپن سٹی ہال اور پاس کے ایک گھر پر تابڑتوڑ گولیاں چلائیں۔

فائرنگ کے نتیجے میں شہر کے میئر کانرادو اور ان کے والد سابق میئر جان میندوزا سمیت 18 لوگوں کی موت ہوگئی ۔ تین لوگ شدید طور پر زخمی بھی بتائے جارہے ہیں ۔

#BREAKING Attack in Mexico leaves at least 18 dead: authorities pic.twitter.com/xxLaBKUACK

— AFP News Agency (@AFP) October 6, 2022

افسران نے بتایا کہ جتنے لوگوں کا قتل کیا گیا ہے، ان میں سے زیادہ تر لوکل گورنمنٹ باڈی کے اراکین تھے ۔

میئر کانرادو کی لیفٹ ونگ پی آر ڈی پارٹی نے ان کے بزدلانہ قتل کی مذمت کی ہے اور انصاف کا مطالبہ کیا ہے ۔

ملک کی برسراقتدار مرینا پارٹی کے اراکین اور گیوریرا کے گورنر ایولن نے بھی ریاست کے اٹارنی جنرل سے تفتیش کرنے کیلئے کہا ہے ۔

گورنر ایولن نے ٹویٹ کیا کہ میئر اور مقامی افسران کے خلاف حملے کے ملزمین کو بخشا نہیں جائے گا ۔

حملے کیلئے لاس ٹیکیولیروس گروپ کو ذمہ دار ٹھہرایا گیا ہے، جو ایک طاقتور ڈرگ کارٹیل سے جڑا ہوا ہے ۔ وزارت دفاع نے کہا ہے کہ حملہ آوروں کو پکڑنے کیلئے فوج اور بحریہ یونٹس کو لگایا گیا ہے ۔

واضح رہے کہ میکسیکو اس قسم کے بھیانک حملوں کی خبریں آتی رہتی ہیں، اگست میں بھی بھیانک تشدد کی خبر آئی تھی جب کارٹیل کے لوگ گینگ لیڈر کو پکڑے جانے کے بعد کولیمہ ریاست میں گاڑیوں کو آگ لگا رہے تھے۔

 دراصل اس علاقہ میں افیم اور ہیروئن کی کھیتی ہوتی ہے اور اسی وجہ سے علاقہ پر کنٹرول کیلئے گروپس آپس میں الجھتے رہتے ہیں ۔ اس ٹکراو میں مقامی افسران کی موت کی خبریں بھی آتی رہتی ہیں ۔