نواز شریف نے عوام کو بیوقوف بنا کر رکھا، فیاض الحسن چوہان

ویب ڈیسک

10th Oct, 2022. 05:52 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

نواز شریف نے عوام کو بیوقوف بنا کر رکھا، فیاض الحسن چوہان

فیاض الحسن چوہان نے کہا ہے کہ بیگم صفدر اور مفرور نواز شریف نے عوام کو بیوقوف بنا کر رکھا ہے۔

تفصیلات کے مطابق ترجمان وزیر اعلیٰ پنجاب فیاض الحسن چوہان نے میڈیا سے گفتگو کرتے ہوئے کہا کہ بیگم صفدر اور نواز شریف نے عوام کو بیوقوف بنا کر رکھا ہے جبکہ نواز شریف کا بیٹا بہت ظالم تھا جس نے باپ کو اپنا ملازم رکھا ہوا تھا، اس سے بڑا ظلم یہ تھا کہ ملازم کو بلا معاوضہ رکھا ہوا تھا، وہ بیٹا کتنا ظالم ہے جس نے باپ سے کام بھی کروایا اور تنخواہ تک نہیں دی۔

انہوں نے کہا کہ عوام کو ان چوروں اور لٹیروں کی اصل کہانیاں والیم دس سے پڑھنے کو ملیں گی، ملک کو لوٹنے والا اب نیلسن منڈیلا بن کر واپس آنا چاہتا ہے جبکہ عوام مفرور نواز شریف کو ہیرو نہیں بننے دے گی۔

ان کا کہنا تھا کہ نا اہل لیگ نے تین دہائیوں سے عوام کو دونوں ہاتھوں سے لوٹا ہے، یہ عوام کے ساتھ ظلم ہے کہ ملک کو لوٹنے والے ہیرو بن کر واپس آتے ہیں۔

ترجمان وزیر اعلیٰ پنجاب فیاض الحسن چوہان نے مزید کہا کہ پوری پاکستانی عوام ان کرپٹ اور لٹیروں کا محاسبہ کرے گی جبکہ عمران خان کی قیادت میں عوام ان سے ایک ایک پائی واپس بھی نکلوائے گی