وزیر مملکت امور خارجہ حنا ربانی کا دورہ کابل

ویب ڈیسک

28th Nov, 2022. 05:32 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

وزیر مملکت امور خارجہ حنا ربانی کا دورہ کابل

وزیر مملکت امور خارجہ حنا ربانی کھر کل وفد کے ہمراہ افغانستان کا روزہ دورہ کریں گی۔

ترجمان دفتر خارجہ کی جانب سے جاری بیان کے مطابق وزیر مملکت برائے خارجہ امور حنا ربانی کھر ایک روزہ دورہ پر کل افغانستان کے دارالحکومت کابل پہنچیں گی ، وزیر مملکت دورہ کے دوران ایک اعلیٰ سطح کے وفد کی قیادت کریں گی۔

ترجمان دفتر خارجہ کے مطابق وزیر مملکت افغان عبوری حکومت سے سیاسی مذاکرات کریں گی جبکہ دورے کے دوران دوطرفہ تعلقات، تعلیم، تجارت اور سرمایہ کاری کے شعبوں میں تعاون پر گفتگو ہوگی۔

ترجمان دفتر خارجہ کا کہنا ہے کہ علاقائی، عوامی روابط اور علاقائی سلامتی سے متعلق امور پر تبادلہ خیال کیا جائے گا، وزیر مملکت افغانستان میں دیرپا قیام امن، خوشحالی کے لیے پاکستان کے عزم اور حمایت کا اعادہ کریں گی۔

ترجمان دفتر خارجہ کا مزید کہنا ہے کہ پاکستان افغانستان کا دوست اور پڑوسی ہے، پاکستان افغان عوام سے مستقل یکجہتی کا اعادہ کرے گا جبکہ پاکستان افغانستان میں انسانی بحران میں کمی، افغان عوام کی معاشی خوشحالی کے لیے کوشاں ہے۔