فیفا ورلڈ کپ کے گروپ میچ میں تیونس اور ڈنمارک کے مابین ہونے والا میچ بنا کسی گول کے ڈرا ہو گیا۔

تفصیلات کے مطابق الریان کے ایجوکیشن سٹی اسٹیڈیم میں ڈنمارک کی ٹیم سخت کوششوں کے باوجود تیونس کو شکست دینے میں ناکام رہا۔

گروپ ڈی کے اس سنسنی خیز میچ میں دونوں ٹیموں کی جانب سے گول پوسٹ پر متعدد حملے کئے گئے لیکن کچھ اچھے مواقع کو گول میں تبدیل کرنے میں ناکام رہے۔

کارتھیج کے عقاب کے نام سے مشہور تیونس نے میچ کے ابتداء میں ڈینز کی غلطیوں کے باعث کچھ دیر کے لیے گرفت حاصل کی۔

تیونس نے دونوں ہاف کے دوران چند مواقع گنوا دیئے، تیونس کے حامی شائقین کا جوش قابل دید تھا جنہوں نے سیٹیاں بجا کر ڈینز کھلاڑیوں کو دباؤ میں رکھنے کی کوشش کی۔

دوسرے ہاف میں، مڈفیلڈر اور تیونس کی اس دن کی بہترین کھلاڑی، الیسا لیڈونی ڈنمارک کی دفاعی لائن کو توڑنے میں کامیاب رہے لیکن ان کی کک میں رفتار کی واضح کمی نظر آئی۔

ڈنمارک کے ایرکسن نے ایک خوبصورت موو بنایا تھا لیکن بدقسمتی سے گول نہیں ہو سکا، ایریکسن کی ورلڈ کپ میں شمولیت ایک حیران کن لمحہ ہے.

2020 میں یورو کپ کے دوران فیلڈ میں دل کا دورہ پڑنے کے باعث کئی ماہ تک میدان سے باہر ہو گئے تھے اور میڈیا میں ان کا کیرئیر ختم ہونے کی پیش گوئیاں کی جا رہی تھی۔

میچ میں تیونس کے گول کیپر نے شاندار کھیل کا مظاہرہ کیا اور کئی یقینی گول بھی بچائے، ڈنمارک کی ٹیم کو شاید میچ کے اس نتیجے کا یقین نہیں تھا، اس لیے تیونس کے گول پوسٹ پر تابڑ توڑ حملے کی کوششیں جاری رہیں۔

میچ برابر ہونے سے ڈنمارک کے لیے گروپ میں ٹاپ پوزیشن حاصل کرنے کی کوششوں کو سخت نقصان پہنچا ہے۔