اقوام متحدہ کے نیوکلیئر واچ ڈاگ نے روسی کی شکایت پر یوکرین میں ’ڈرٹی بم‘ کے دعووں کی تحقیقات کا آغاز کر دیا ہے۔

آئی اے ای اے کے سربراہ رافیل گروسی کا کہنا ہے کہ اقوام متحدہ اس ہفتے کے آخر میں معائنے سے ابتدائی نتائج جاری کرے گا۔

اقوام متحدہ کے نیوکلیئر واچ ڈاگ نے کہا کہ اس نے یوکرین میں روسی الزامات کی آزاد تصدیق کے حصے کے طور پر معائنہ شروع کر دیا ہے کہ کیف مبینہ طور پر ڈرٹی بم تیار کر رہا ہے۔

آئی اے ای اے نے گزشتہ روز اپنے ایک بیان میں کہا کہ انٹرنیشنل اٹامک انرجی ایجنسی کے معائنہ کاروں نے تحقیقات کا آغاز کر دیا ہے اور جلد ہی یوکرین میں دو مقامات پر تصدیقی سرگرمیاں مکمل کریں گے۔

ڈائریکٹڑ جنرل رافیل گروسی نے کہا کہ وہ اس ہفتے کے آخر میں یوکرین میں دو مقامات پر تازہ ترین تصدیقی سرگرمیوں کے بارے میں اپنے ابتدائی رپورٹ فراہم کریں گے۔

یہ معائنہ یوکرین نے روس کے الزام کے بعد آئی اے ای اے کی ٹیموں کو اپنے ملک میں بھیجنے کی تحریری درخواست کے بعد کیا گیا ہے۔

واضح رہے کہ روس نے یوکرین پر ماسکو کے فوجیوں کے خلاف ڈرٹی بم استعمال کرنے کی تیاری کا الزام لگایا ہے۔

یوکرائنی حکام نے اس الزام کی سختی سے تردید کی ہے کہ ماسکو کی طرف سے دشمنی میں اضافے کو جواز فراہم کرنے کے لیے ایک ڈرٹی بم کو پھٹنے کے اپنے مبینہ منصوبوں سے توجہ ہٹانے کی کوشش کی گئی ہے۔

انٹرنیشنل اٹامک انرجی ایجنسی نے گزشتہ ہفتے کہا تھا کہ اس نے ایک ماہ قبل دو مقامات میں سے ایک کا معائنہ کیا تھا اور وہاں کوئی غیر اعلانیہ جوہری سرگرمیاں یا مواد نہیں ملا تھا۔