قاسم سوری نے کہا ہے کہ ڈالر کے مقابلے میں روپے کی قدر میں 25 فیصد کمی ہوئی ہے۔

تفصیلات کے مطابق سابق ڈپٹی اسپیکر قاسم سوری نے سماجی رابطے کی ویب سائٹ ٹویٹر پر اپننے ایک پیغام میں کہا کہ رجیم چینج آپریشن کے تحت لائی گئی پی ڈی ایم حکومت کے سات ماہ میں مشینری امپورٹ میں 48 فیصد کمی، فارن ایکسچینج ذخائر میں 51 فیصد کمی، بیروزگاری میں 22.5 فیصد اضافہ جبکہ ماہانہ ایکسپورٹس میں 19 فیصد کمی ہوئی ہے۔

رجیم چینج آپریشن کے تحت لائی گئی پی ڈی ایم حکومت کے سات ماہ میں آئی ٹی ایکسپورٹ کے شعبے میں 21 فیصد کمی، ٹیکسٹائل ایکسپورٹ میں 15 فیصد کمی، پاکستان کے زمہ کل واجب الادا قرضے 625 کھرب روپے، اوورسیز پاکستانیوں کی جانب سے بھیجی جانے والی روشن ڈیجیٹل اکائونٹس کی رقم میں 42 فیصد کمی۔ pic.twitter.com/T0Q1By7Ayo

— Qasim Khan Suri (@QasimKhanSuri) November 20, 2022

انہوں نے کہا کہ رجیم چینج آپریشن کے تحت لائی گئی پی ڈی ایم حکومت کے سات ماہ میں آئی ٹی ایکسپورٹ کے شعبے میں 21 فیصد کمی، ٹیکسٹائل ایکسپورٹ میں 15 فیصد کمی، پاکستان کے ذمہ کل واجب الادا قرضے 625 کھرب روپے، اوورسیز پاکستانیوں کی جانب سے بھیجی جانے والی روشن ڈیجیٹل اکائونٹس کی رقم میں 42 فیصد کمی۔

قاسم سوری کا کہنا تھا کہ ڈالر کے مقابلے میں روپے کی قدر میں 25 فیصد کمی، موڈیز پاکستان کریڈٹ ریٹنگ میں B3 سے CAA1 گراوٹ، اوورسیز ترسیلات زر میں 8 فیصد سالانہ کمی ہوئی ہے جبکہ کریڈٹ ڈیفالٹ سویپ کی شرح خطرناک حد تک 79 فیصد کو چھوگئی ہے۔

انہوں نے امپوڑٹڈ حکومت سے سوال کرتے ہوئے کہا کہ صرف 7 ماہ میں پاکستانی معیشت کی تباہی، مہنگائی وبیروزگاری کی انتہا، غربت ومسائل میں ڈوبی عوام، حکومتی خاندانوں کی دولت میں راتوں رات اضافہ، خوف، تشدد، قتل وغارت، دہشتگردی میں اضافےکے ذمہ دار کون ہیں؟

سابق ڈپٹی اسپیکر قاسم سوری کا مزید کہنا تھا کہ اتنا نقصان تو بیرونی دشمن بھی نہ پہنچا سکتا جتنا اندرونی میر جعفروں نے پہنچایا ہے۔

Advertisement

صرف 7 ماہ میں پاکستانی معیشت کی تباہی، مہنگائی وبیروزگاری کی انتہا، غربت ومسائل میں ڈوبی عوام، حکومتی خاندانوں کی دولت میں راتوں رات اضافہ، خوف، تشدد، قتل وغارت، دہشتگردی میں اضافےکے زمہ دار کون ہیں؟
اتنا نقصان تو بیرونی دشمن بھی نہ پہنچا سکتاجتنا اندرونی میر جعفروں نے پہنچایاہے۔ pic.twitter.com/go5B6cMmwY

— Qasim Khan Suri (@QasimKhanSuri) November 20, 2022