شاہینوں کی آج رات آسٹریلیا سے وطن واپسی

اعجاز وسیم باکھری

14th Nov, 2022. 12:01 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

شاہینوں کی آج رات آسٹریلیا سے وطن واپسی

پاکستان کرکٹ ٹیم ٹی ٹوئنٹی ورلڈ کپ میں شرکت کے بعد آج رات وطن واپسی کے لیے روانہ ہو گی۔

تفصیلات کے مطابق ٹی ٹوئنٹی ورلڈ کپ میں حصہ لینے والا قومی اسکواڈ آج بروز پیر رات 10 بجے میلبورن سے بذریعہ دبئی پاکستان کے لیے روانہ ہوگا۔

قومی اسکواڈ 15 اور 16 نومبر کی درمیانی شب پاکستان پہنچے گا، قومی اسکواڈ میں شامل منصور رانا، کپتان بابر اعظم، نسیم شاہ، فیلڈنگ کوچ عبدالمجید اور بیٹنگ کوچ محمد یوسف میلبورن سے لاہور پہنچیں گے۔

ہیڈ کوچ ثقلین مشتاق، شاداب خان، حارث رؤف، محمد نواز اور حیدر علی میلبورن سے راولپنڈی پہنچیں گے۔

محمد رضوان، محمد وسیم جونیئر، افتخار احمد اور خوشدل شاہ میلبورن سے پشاور پہنچیں گے۔

اسسٹنٹ باؤلنگ کوچ عمر رشید، شان مسعود اور فاسٹ باؤلر شاہنواز دھانی کراچی پہنچیں گے۔

قومی کرکٹ ٹیم کے بولنگ کوچ شان ٹیٹ دبئی سے برطانیہ روانہ ہوں گے، جبکہ ٹیم کے مینٹور اور آسٹریلیا سے تعلق رکھنے والے میتھیو ہیڈن آسٹریلیا میں قیام کریں گے۔

واضح رہے کہ پاکستان کی کرکٹ ٹیم نے ٹی ٹوئنٹی ورلڈ کپ میں فائنل تک رسائی حاصل کی تھی، جہاں اسے انگلینڈ کے ہاتھوں شکست کا سامنا کرنا پڑا تھا۔