ہوائی میں دنیا کا سب سے بڑا فعال آتش فشاں پھٹ پڑا

ویب ڈیسک

28th Nov, 2022. 07:55 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ہوائی میں دنیا کا سب سے بڑا فعال آتش فشاں پھٹ پڑا

دنیا کا سب سے بڑا فعال آتش فشاں ہوائی کا ’ماونا لو‘ تقریباً 40 سالوں میں پہلی بار پھٹ رہا ہے۔

ہوائی کے حکام نے کہا کہ آتش فشاں سے نکلنے والے لاوا کا بہاؤ چوٹی کے علاقے میں موجود ہے اور نیچے کی ڈھلوان والی انسانی آبادی کو خطرہ نہیں ہے۔

لیکن دوسری جانب یو ایس جیولوجیکل سروس کے نوٹیفکیشن میں خبردار کیا گیا ہے کہ صورتحال تیزی سے بدل سکتی ہے۔

ہوائی کے بگ آئی لینڈ اور اس کے آس پاس کے سمندری جزیروں میں رہائشیوں کو خبردار کر دیا گیا ہے، اور رہائشیوں کو چوکس رہنے کو کہا گیا ہے۔

آتش فشاں کے الرٹ کی سطح کو مشورہ سے “انتباہ” میں اپ گریڈ کیا گیا ہے، جو اس کی اعلی ترین درجہ بندی ہے۔

ماونا لوا آخری بار مارچ اور اپریل 1984 میں پھوٹا تھا، جس کے لاوے نے ہیلو شہر کے 5 میل کے علاقے کو متاثر کیا تھا۔

آتش فشاں کے پھٹنے کا آغاز گزشتہ روز ہوا تھا، آتش فشاں کے کھوکھلے کیلڈرز کے نیچے سے بڑی تیزی سے گرم لاوا باہر نکلنا شروع ہو گیا ہے۔

آتش فشاں کے پھٹنے سے قبل علاقے میں ایک درجن سے زائد 2.5 شدت کے زلزلے کے جھٹکے بھی محسوس کئے گئے۔

امریکہ کے جیولوجیکل ڈپارٹمنٹ کا کہنا ہے کہ ماضی کے واقعات کی بنیاد پر کہا جا سکتا ہے کہ اس کی پیش قدمی میں تبدیلی ہو سکتی ہے۔