پاکستان اسٹاک ایکسچینج میں کاروباری ہفتے کے آخری روز انڈیکس میں مثبت رجحان ریکارڈ کیا گیا ہے۔

تفصیلات کے مطابق پاکستان اسٹاک ایکسچینج میں کاروباری ہفتے کے آخری روز انڈیکس میں زبردست تیزی رہی، تیزی کے باعث ہنڈرڈانڈیکس 43ہزار کی حد عبور کرگیا۔

مارکیٹ 217 پوائنٹس کے اضافے سے 43 ہزار 118 پر بند ہوئی جبکہ آج مارکیٹ کی بلند ترین سطح 43,120 جبکہ کم ترین سطح 42,805 رہی۔

دن بھر مجموعی طور پر 358 کمپنیوں کے شیئرز میں کاروبار ہوا جن میں 175 کمپنیوں کے شیئرز کی قیمتوں میں اضافہ جبکہ 154 کے شیئرز میں کمی ہوئی ہے۔

دوسری جانب حالیہ معاشی بحران کے دوران ڈالر کی قیمت میں اتار چڑھاؤ کا سلسلہ جاری ہے۔

انٹر بینک میں ڈالر کی قیمت میں کاروباری ہفتے کے پانچویں روز  اضافہ ریکارڈ کیا گیا ہے۔

Interbank closing #ExchangeRate for todayhttps://www.bolnews.com/urdu/latest/2022/11/358894/amp/ pic.twitter.com/TwPsimLhDV

— SBP (@StateBank_Pak) November 11, 2022

اسٹیٹ بینک آف پاکستان کی جانب سے جاری کردہ اعداد و شمار کے مطابق انٹربینک میں ڈالر کی قدر میں  22 پیسے  کا اضافہ ہوا ہے۔

فاریکس ڈیلرز کے مطابق انٹربینک میں ڈالر 221.42 سے بڑھ کر 221.64 روپے پر بند ہوا ہے۔