قائد اعظم یونیورسٹی کی جگہ پرتعمیرات روکنے کے حکم میں دو دسمبر تک توسیع

فیاض محمود

25th Nov, 2022. 02:31 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

قائد اعظم یونیورسٹی کی جگہ پرتعمیرات روکنے کے حکم میں دو دسمبر تک توسیع

اسلام آباد ہائی کورٹ نے بہارہ کہو بائی پاس پر قائد اعظم یونیورسٹی کی جگہ پر تعمیرات روکنے کے حکم میں دو دسمبر تک توسیع کردی۔

اسلام آباد ہائی کورٹ نے فریقین کو حتمی دلائل کی ہدایت کرتے ہوئے کہا کہ آئندہ سماعت پر کیس مکمل کر دیں گے جبکہ انوائرمنل پروٹیکشن ایجنسی نے بہارہ کہو منصوبے کی منظوری دے دی۔

انوائرمنٹل پروٹیکشن ایجنسی کی جانب سے عائد دس لاکھ جرمانہ سی ڈے اے نے جمع کرا دیا۔

قائد اعظم یونیورسٹی کے پروفیسرز کی درخواست پر جسٹس میاں گل حسن اورنگزیب نے سماعت کی جس میں ایڈیشنل اٹارنی جنرل منور اقبال دوگل نے عدالت سے ایک ہفتے کی مہلت کی استدعا کی۔

عدالت نے ایڈیشنل اٹارنی جنرل کی استدعا منظور کرلی۔

درخواست گزار قائد اعظم یونیورسٹی کے پروفیسر کی طرف سے وکیل کاشف ملک پیش ہوئے۔

ایڈیشنل اٹارنی جنرل نے کہا کہ درخواست گزاروں کے خدشات اور تحفظات کابینہ میں بھیج دیے گئے۔ کابینہ سے اب تک رپورٹ موصول نہیں ہوئی امید ہے آئندہ ہفتے تک آ جائے گی۔

عدالت نے پروفیسرز کے وکیل سے مکالمہ کرتے ہوئے کہا کہ انہوں نے آپ کے خدشات سن لیے وہ دیکھیں گے۔

اسلام آباد ہائی کورٹ نے کیس کی مزید سماعت 2دسمبر تک ملتوی کردی۔