روس اور امریکہ کے درمیان جوہری اسلحہ کی کمی کے حوالے سے ہونے والے مذاکرات ملتوی کر دیئے گئے ہیں۔

غیر ملکی میڈیا رپورٹس کے مطابق دونوں ممالک کے حکام کی ملاقات 29 نومبر سے 6 دسمبر تک مصر کے دارالحکومت قاہرہ میں ہونی تھی، جس کا ایجنڈا جوہری تخفیف اسلحہ تھا۔

ماسکو کی وزارت خارجہ اور امریکی سفارت خانے کے مطابق، روس اور امریکہ کے درمیان اس ہفتے ہونے والے جوہری تخفیف اسلحہ کے مذاکرات ملتوی کر دیے گئے ہیں۔

دونوں ممالک کے حکام کی ملاقات 29 نومبر سے 6 دسمبر تک مصر کے دارالحکومت قاہرہ میں طے تھی تاکہ نئے جوہری ہتھیاروں میں کمی کے معاہدے کے تحت معائنہ دوبارہ شروع کیا جا سکے لیکن مارچ 2020 میں عالمی وبائی مرض کورونا کی وجہ سے منسوخ کر دی گئی تھی۔

غیر ملکی میڈیا کی رپورٹ کے مطابق آج امریکی محکمہ کی جانب سے ایک بیان جاری کیا گیا ہے جس میں بتایا گیا ہے کہ قاہرہ میں مشاورتی کمیشن کا طے شدہ اجلاس اب اپنی مقررہ تاریخ پر نہیں ہو گا۔

امریکی محکمہ نے مزید کہا ہے کہ اس مشاورتی کمیش کے اجلاس کی نئی تاریخ کا اعلان بعد میں کیا جائے گا۔

ایک اخبار نے اس منسوخی کی کوئی وجہ نہیں بتائی حالانکہ امریکی سفارت خانے کے حوالے سے اخبار نے کہا کہ یہ فیصلہ روس کا تھا۔

اخبار کے مطابق روس کے نائب وزیر خارجہ سرگئی ریابکوف نے پیش رفت کی توقعات کو کم کر دیا تھا، حالانکہ یہ بات چیت اس بات کی علامت تھی کہ دونوں فریق کم از کم بات چیت کو برقرار رکھنا چاہتے ہیں، حالانکہ تعلقات سرد جنگ کے بعد اپنی کم ترین سطح پر ہیں۔