ٹی ٹوئنٹی ورلڈ کپ کے سیمی فائنل میں انگلینڈ کے ہاتھوں بھاری مارجن کی شکست کے بھارتی ٹیم پر تنقید جاری ہے۔

تفصیلات کے مطابق سیمی فائنل میں بھارتی ٹیم کی کارکردگی اور کھیل کے نقطہ نظر کے حوالے سے وریندر سہواگ کرکٹ کی ویب سائٹ کو انٹرویو میں روہت شرما کی کپتانی پر کافی تنقید کی۔

بھارت کے سابق بلے باز وریندر سہواگ نے سیمی فائنل میچ میں روہت شرما کی کپتانی پر تبصرہ کرتے ہوئے کہا کہ یہ عالمی معیار کے کپتان کی طرح نہیں لگتا تھا۔

سہواگ نے شرما کی کپتانی پر اپنے مشاہدات شیئر کیے، اور تجویز کیا کہ کپتان روہت شرما نے ہدف کا دفاع کرتے ہوئے اپنی بولنگ میں جو تبدیلیاں کیں اس سے ظاہر ہوتا ہے کہ وہ دباؤ میں تھے۔

وریندر سہواگ نے ویب سائٹ کو بتایا کہ روہت سیمی فائنل میں عالمی سطح کے کپتان نہیں لگ رہے تھے۔

وریندر کے مطاق کچھ فیصلوں جیسے کہ پاور پلے میں اکسر کو گیند کرانا، ارشدیپ کو دوسرا اوور نہ دینا، اور بھونیشور کے پہلے اوور میں پنت کو وکٹ کے قریب کھڑے ہونے کے لیے کہنا، یہ سب ظاہر کرتا ہے کہ روہت شرما دباؤ میں تھے۔

وریندر کا کہنا تھا کہ ہم انہیں بھارت یا آئی پی ایل کا بہترین کپتان کہتے ہیں، لیکن آج انہوں نے کچھ چیزیں صحیح طریقے سے نہیں کیں۔ اور جب آپ بطور کپتان دباؤ محسوس کرتے ہیں، تو آپ میدان میں اسی قسم کی تبدیلیاں کرتے ہیں۔

بھارت 18 نومبر سے نیوزی لینڈ کے خلاف 3 ون ڈے اور 3 ٹی ٹوئنٹی میچز کی سیریز کھیلے گا، اس سیریز کے لیے ویرات کوہلی، کے ایل راہول اور روہت شرما کو آرام دیا گیا ہے۔

ہاردیک پانڈیا ٹی ٹوئنٹی میں بھارتی ٹیم کی قیادت کریں گے جبکہ ون ڈے ٹیم کی قیادت شیکھر دھون کریں گے۔