پاکستان تحریک انصاف کے چیئرمین عمران خان پر قاتلانہ حملے کے معاملے میں ملزم نوید کا پولی گرافک ٹیسٹ کروانے کا فیصلہ کیا گیا ہے۔

ذرائع کا کہنا ہے کہ ملزم نوید تین بار انٹرویو کے باوجود اپنے بیان پر قائم پے۔ ملزم سے مختلف اوقات میں تین بار تفتیش کی گئی۔  تینوں بار سوالات کی نوعیت بدلی گئی،

ذرائع کے مطابق ملزم پہلے ہرانٹرویو میں دن والے بیان پر قائم رہا۔ دوران تفتیش ملزم سے سختی سے بھی پوچھ گچھ کی گئی۔ جے آئی ٹی کنوینئرنے اتوار کے روز وزیر آباد میں گزارا۔

سابق وزیراعظم عمران خان پرقاتلانہ حملے کے معاملے پرگذشتہ روز مارچ کے دوران ڈیوٹی پرتعینات پولیس افسران و اہلکاروں کو شامل تفتیش کرنے کا فیصلہ کیا گیا۔

ذرائع کے مطابق جوائنٹ انویسٹیگیشن ٹیم حملے کے وقت ڈیوٹی پر موجود پولیس اہلکاروں سے پوچھ گچھ کرے گی۔ حملے کے روز حقیقی آزادی مارچ پر کنٹینر کے قریب 570 پولیس اہلکار و افسران موجود تھے۔

ذرائع کا کہنا تھا کچھ پولیس افسران و اہلکار سول کپڑوں میں بھی تعینات تھے۔ سول کپڑوں میں تعینات افراد کا کام کسی بھی مشکوک نقل و حرکت پر نظر رکھنا تھا کہ پولیس کی وردی و سول کپڑوں میں بھاری تعداد میں تعیناتی کے باوجود مسلح شخص پنڈال میں کیسے پہنچا؟

جے آئی ٹی ضلعی اعلی پولیس افسرسمیت ڈیوٹی پر مامور افراد کے بیان بھی قلمبند کرے گی۔