قطر میں ہونے والے فیفا ورلڈکپ 2022 میں تیونس کی ٹیم نے فرانس کو 1-0 سے اپ سیٹ شکست دی، لیکن اگلے مرحلے میں کوالیفائی نہ کر سکا۔

تفصیلات کے مطابق قطر میں ہونے والے فیفا ورلڈ کپ کے اہم میچ میں گروپ ڈی کی تیونس نے فرانس کو اپ سیٹ 1-0 سے شکست دی، لیکن اسی گروپ میں ڈنمارک کی آسٹریلیا کے ہاتھوں شکست نے انہیں ایونٹ سے باہر کر دیا۔

تیونس کے کپتان خضری کے دوسرے ہاف کے گول نے تیونس کو فرانس کو شکست دینے میں مدد کی لیکن ڈنمارک کے خلاف آسٹریلیا کی جیت نے ان کے باہر ہونے پر مہر لگا دی۔

فرانس میں پیدا ہونے والے تیونس کے کپتان وہبی خضری نے کھیل کا واحد گول کیا کیونکہ تیونس نے ورلڈ کپ ہولڈرز فرانس کو ایجوکیشن سٹی اسٹیڈیم میں 1-0 سے اپ سیٹ شکست دی۔

تیونس کی کسی یورپی ملک کے خلاف پہلی کامیابی ہے جبکہ چھ ورلڈ کپ کے 18 میچوں میں تیسری کامیابی ہے۔

لیکن تیونس کی ٹیم کے لیے یہ کامیابی کوئی کام نہ آ سکی، کیونکہ گروپ کے آخری میچ میں آسٹریلیا کے ہاتھوں ڈنمارک کی ایک گول سے شکست نے انہیں فائنل 16 کی دوڑ سے باہر کر دیا۔

الجنوب اسٹیڈیم میں کھیلے گئے گروپ ڈی کے میچ میں آسٹریلیا نے ڈنمارک کو 0 کے مقابلے میں 1 گول سے شکست دی۔

آسٹریلیا کی جانب سے میتھیو لیکی نے 60 ویں منٹ میں گول اسکور کر کے ٹیم کو برتری دلائی جو میچ کے اختتام تک برقرار رہی۔

تیونس کے کپتان خضری نے تیونس کے لیے چھ ورلڈ کپ ایونٹ میں حصہ لیا اور اور آج اپنے ملک کے لیے ورلڈ کپ میں تیسری فتح حاصل کرنے میں اہم کردار ادا کیا۔

خضری نے میچ کے 58 ویں منٹ میں گول اسکور کر کے اپنی ٹیم کو برتری دلائی جو میچ کے اختتام تک برقرار رہی۔

فرانس کے لیے یہ میچ ایک پریکٹس میچ سے کم نہیں تھا کیونکہ انہوں نے اس میچ سے قبل ہی ناک آؤٹ مرحلے میں جگہ بنا لی تھی، فرانس نے ڈنمارک کے خلاف کھیلنے والی ٹیم میں 9 تبدیلیاں کی تھیں۔

گروپ ڈی میں فرانس گول کے حساب سے ٹیبل پر سرفہرست ہے جبکہ آسٹریلیا کا دوسرا نمبر ہے۔