بھارت کے بلے باز ویرات کوہلی نے ٹی ٹوئنٹی ورلڈ کپ کے سیمی فائنل میں انگلینڈ کے خلاف نصف سنچری بنا کر اہم سنگ میل عبور کر لیا۔

تفصیلات کے مطابق بھارت کے اسٹار کھلاڑی ویرات کوہلی نے آج ایڈیلیڈ اوول میں ٹی ٹوئنٹی ورلڈ کپ کے سیمی فائنل میں 40 گیندوں پر شاندار 50 رنز بنائے، ویرات کوہلی ٹی ٹوئنٹی انٹرنیشنل کی تاریخ میں 4 ہزار رنز بنانے والے پہلے کھلاڑی بن گئے۔

اس میچ میں ویرات نے 40 گیندوں پر شاندار 50 رنز بنائے۔ ان کی اننگز میں چار چوکے اور ایک چھکا شامل تھا، انہوں نے 125.00 کے اسٹرائیک ریٹ سے نصف سنچری اسکور کی۔

VIRAT KOHLI 👑

Advertisement

He becomes the first player to cross 4⃣0⃣0⃣0⃣ T20I runs!#T20WorldCup | #INDvENG | 📝: https://t.co/PgKzpNaatB pic.twitter.com/F4v9ppWfVo

— ICC (@ICC) November 10, 2022

ٹورنامنٹ کے جاری ایڈیشن میں یہ ان کی چوتھی نصف سنچری تھی۔ وہ اس وقت ٹورنامنٹ میں سب سے زیادہ رنز بنانے والے کھلاڑی ہیں۔ انہوں نے چھ اننگز میں 98.66 کی اوسط سے 296 رنز بنائے ہیں۔ اس میں میلبورن میں پاکستان کے خلاف 82 رنز ناٹ آؤٹ کی اننگ بھی شامل ہے۔

ٹی ٹوئنٹی انٹرنیشنل میں ویرات کوہلی اس نصف سنچری کے ساتھ 115 میچوں کی 107 اننگز میں 52.73 رنز 4008 رنز تک پہنچ گئے ہیں جس میں ایک سنچری اور 37 نصف سنچریز شامل ہیں۔

ویرات کوہلی کا ٹی ٹوئنٹی انٹرنیشنل میں بہترین انفرادی اسکور 122 رنز ناٹ آؤٹ ہے جبکہ مختصر فارمیٹ میں ان کا اسٹرائیک ریٹ 137.96 ہے۔

ٹی ٹوئنٹی انٹرنیشنل میں دیگر ٹاپ بلے بازوں میں بھارتی کپتان روہت شرما دوسرے نمبر پر ہیں جنہوں نے 3853 رنز بنائے ہیں، تیسرے نمبر پر3531 رنز کے نیوزی لینڈ کے مارٹن گپٹل ہیں۔

مختصر ترین کرکٹ کے اس فارمیٹ میں رنز کے اعتبار سے چوتھے نمبر پر بابر اعظم کا نام آتا ہے جنہوں نے 3323 رنز بنائے ہیں، جبکہ آئرلینڈ کے اوپنر پال اسٹرلنگ 3181 رنز کے ساتھ پانچویں نمبر پر ہیں۔