بنک میں رہن شدہ سٹاک چوری کروانے کا الزام، ملزم کا 4روزہ جسمانی ریمانڈ منظور

منیر باجوہ

18th Nov, 2022. 12:00 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بنک میں رہن شدہ سٹاک چوری کروانے کا الزام، ملزم کا 4روزہ جسمانی ریمانڈ منظور

منی لانڈرنگ اور بنک میں رہن شدہ سٹاک چوری کروانے کے الزام میں گرفتار ملزم محمد دین کا جسمانی ریمانڈ منظورکرلیا گیا۔

تفصیلات کے مطابق جوڈیشل مجسٹریٹ لاہور غلام مرتضی ورک نے منی لانڈرنگ اور بنک میں رہن شدہ سٹاک چوری کروانے کے الزام میں گرفتارامین اتفاق رائس ملز کے مینجنگ پارٹنرملزم محمد دین کا 4 روزہ جسمانی ریمانڈ منظورکیا۔

عدالت نے امین اتفاق رائس ملز کے مینجنگ پارٹنر محمد دین کو 22 نومبر کو پیش کرنے کا حکم دیتے ہوئے کہا کہ تفتیشی افسر ملزم سے چوری شدہ چاولوں کی بوریوں کا سراغ لگائے۔

جوڈیشل مجسٹریٹ لاہور غلام مرتضی ورک نے ملزم کے ریمانڈ کے حکم نامہ کی کاپی سیشن جج لاہور کو بھی بھجوانے کا حکم دیا۔

پراسیکیوشن نے دلائل دیے کہ نجی بنک بنک الفلاح کی مدعیت میں فراڈ، منی لانڈرنگ الزامات کے تحت مقدمہ درج کیا۔ ملزم نے بنک سے قرض لیکر چاولوں کی بوریاں رہن رکھوائیں اور بعد میں سٹاک چوری کروا دیا۔

پراسیکیوشن کے مطابق ملزم نے اسٹاک چوری کر کے فروخت کیا اور رقم کو منی لانڈرنگ کیلئے استعمال کیا۔ استدعا ہے کہ ملزم محمد دین سے تفتیش کرنے اور برآمدگی کیلئے جسمانی ریمانڈ دیا جائے۔