مراد سعید نے کہا ہے کہ ارشد شریف نے خود کہا تھا کہ انہیں دھمکیاں ملی اور خطرہ تھا۔

تفصیلات کے مطابق سابق وفاقی وزیر مراد سعید نے پریس کانفرنس کرتے ہوئے کہا کہ کل روالپنڈی پہنچنے پر قوم کو خراج تحسین پیش کرتا ہوں، سب نے پیغام دیا کہ ہم خوداری اور خودمختاری چاہتے ہیں۔

ان کا کہنا تھا کہ ایک ہی مقصد ہے کہ پاکستانی قوم کسی کی غلامی نہیں کرسکتی، جلسے سب جب فارغ ہوا تو ارشد شریف قتل کے حوالے سے خبر چل رہی تھی، بتایا گیا کہ ارشد شریف کا لیپ ٹاپ مراد کے پاس ہے۔

مراد سعید نے کہا کہ ارشد شریف کا جس دن جنازہ تھا اس وقت کہا گیا کہ انکو کوئی خطرہ نہیں تھا جبکہ ارشد شریف نے خود کہا تھا کہ انہیں دھمکیاں ملی اور خطرہ تھا

سابق وفاقی وزیر نے یہ بھی کہا کہ ارشد شریف سب کیلئے کھڑا ہوتے تھے، ارشد شریف کا یو اے ای ویزہ ختم نہیں ہوا تھا۔

مراد سعید کا کہنا تھا کہ تحقیقاتی کمیٹی میڈیا کے ذریعے بتارہی ہے کہ مراد سعید کو طلب کیا گیا اور اگر مجھے نوٹس بھیجنا ہے تو گھر آپکو معلوم ہے ، میرے گھر کے باہر باراتی ہر روز موجود رہتے ہیں اور میں سوال اس لئے اٹھا رہا ہوں کہ آپکی تحقیقات کی ڈائریکشن درست ہوں۔

سابق وفاقی وزیر مراد سعید کا مزید کہنا تھا کہ ارشد شریف پر جعلی مقدمات درج کرنیوالے کون ہیں؟ ارشد شریف کو دھکمیاں کون دے رہا تھا؟ تحقیقاتی کمیٹی سے کوئی امید نہیں، چیف جسٹس سے اپیل ہے تحقیقات کرائے۔