ٹی ٹوئنٹی ورلڈ کپ کے پہلے سیمی فائنل میں نیوزی لینڈ کے خلاف شاندار فتح کے بعد محمد رضوان نے بھارتی میڈیا کو انٹرویو دیا۔

تفصیلات کے مطابق سڈنی کرکٹ گراؤنڈ پر نیوزی لینڈ کے خلاف شاندار فتح کے بعد محمد رضوان سے بھارتی میڈیا نے انٹرویو کیا گیا جس میں انہوں نے ٹیم کی کارکردگی اور سیمی فائنل میں پہنچنے کے حوالے سے گفتگو کی۔

بھارتی میڈیا کی طرف سے اینکر پرسن اور سابق بھارتی کرکٹر عرفان پٹھان نے محمد رضوان سے انٹرویو کیا، جبکہ اس انٹرویو کےدوران بھارت سے ویڈیو لنک کے ذریعے سابق کرکٹرز آکاش چوپڑا اور ہربھجن سنگھ نے بھی محمد رضوان سے بات کی۔

عرفان پٹھان کے ایک سوال کے جواب میں وکٹ کیپر محمد رضوان نے کہا کہ سیمی فائنل کے لیے ہم نے اٹیکنگ کرکٹ کھیلنے کا پلان بنایا تھا، ہم نے یہی سوچا تھا کہ نئی گیند پر اٹیک کرنا ہے۔

محمد رضوان نے کہا کہ ہم نے سیمی فائنل کی جو پلاننگ کی تھی اسے پایہ تکمیل تک پہنچایا،

بھارت کے سابق آف اسپنر ہربھجن سنگھ نے رضوان سے پوچھا کہ اتوار کے روز جب جنوبی افریقہ اور ہالینڈ کے درمیان میچ تھا تو آپ کے ذہن میں کیا چل رہا تھا ؟ ، کیا آپ کو یقین تھا کہ آپ سیمی فائنل میں پہنچ جائیں گے۔

ہربھجن سنگھ کے سوال پر رضوان نے کہا کہ ہمیں بھارت کے خلاف میچ میں شکست پر افسوس ہے لیکن کھلاڑیوں نے ہمت نہیں ہاری ، انہوں نے مزید کہا کہ اس میں کوئی شک نہیں کہ ہالینڈ کی جیت کے دعائیں کھلاڑیوں سمیت پورے پاکستان نے کی تھی۔

وکٹ کیپر بیٹسمین محمد رضوان نے کہا کہ جنوبی افریقہ اور ہالینڈ کے درمیان میچ سے لطف اندوز ہونے کا مزہ کسی اور میچ کا نہیں تھا۔

واضح رہے کہ ٹی ٹوئنٹی ورلڈ کپ کا فائنل اتوار کو میلبرن کرکٹ گراؤنڈ میں کھیلا جائے گا جس کے لیے پاکستان کوالیفائی کر چکا ہے۔

واضح رہے کہ ٹی ٹوئنٹی ورلڈ کپ 2022 کے فائنل میں پاکستان اور انگلینڈ کے مابین فائنل اتوار کو میلبورن کرکٹ گراؤنڈ پر کھیلا جائے گا۔